އދ ގެ ތެރެއިން ފަލަސްތީނަށް ލިބެންޖެހޭ ހައްޤުތައް ވަނީ ހިފެހެއްޓިފައި: ފަލަސްތީން

އދ. ގެ ތެރެއިން ފަަލސްތީނަށް ލިބެންޖެހޭ ހައްޤުތައް ވަނީ ހިފެހެއްޓިފައި ކަމަށާއި މިކަމުގައި ބައިނަލްއަގުވާމީ މުޖުތަމައުގެ ޒިންމާ އަދާކުރުމަށް އެ އިދާރާގައި ހުންނަ ފަލަސްތީނުގެ މިޝަނުންގޮވާލައިފިއެވެ.

އދ. ގައި ހުންނަ ފަލަސްތީނުގެ މިޝަނުން ވަނީ، ފަލަސްތީނުގެ ބިންތަކުގައި ހިންގަމުންދާ ނިޒާމީ ސިފައެއްގައި ސުންނާފަތިކުރުމުގެ އަމަލުތަކާއި، އޭގެ ސަބަބުން ލިބެމުންދާ އިންސާނީ ގެއްލުންތަކުގެ ޒިންމާ ބައިނަލްއަގުވާމީ މުޖުތަމައުން، ހާއްސަކޮށް އދ. އިން އުފުލަންޖެހޭނެ ކަމަށް ބުނެފައެވެ. ފަލަސްތީނުގެ ރައްޔިތުންނަށް ލިބެމުންދާ އަނިޔާތައް ހުއްޓުވައި، އެ ރައްޔިތުން ހިމާޔަތްކުރުމަކީ މުޅި ދުނިޔޭގެ މައްޗަށް އޮތް ވާޖިބެއްކަން އެ މިޝަނުން ފާހަގަކުރިއެވެ.

ބަޔާނުގައި ބުނެފައިވަނީ، ފަލަސްތީނުގެ މައްސަލައަކީ ބައިނަލްއަގުވާމީ އެޖެންޑާގެ އެންމެ ކުރީގައި އޮތް މައްސަލައަށް ވީނަމަވެސް، ބައިނަލްއަގުވާމީ މުހިންމު މަޝްވަރާ މަޖިލިސްތަކުގައި ބައިވެރިވުމުގެ ފުރުސަތު ފަލަސްތީނުގެ ރައްޔިތުންނަށް ބަންދުވެފައި އޮތުމަކީ ބަލައިގަނެވޭނެ ކަމެއް ނޫން ކަމަށެވެ. މިއީ އދ. ބިނާވެފައިވާ ހަމަހަމަކަމާއި މަޝްވަރާގެ ރޫހާ މުޅިން ޚިލާފު ކަމެއްގެ ގޮތުގައި އެ މިޝަނުން ސިފަކުރިއެވެ.

މީގެ އިތުރުން، ފަލަސްތީނަކީ އދ. ގެ ގިނަ މެންބަރު ގައުމުތަކަކުން ބަލައިގެންފައިވާ ދައުލަތެއްކަން ފާހަގަކޮށް، އެ މިޝަނުން ބުނީ މިއީ ފަލަސްތީނުގެ މިނިވަންކަމަށް ބައިނަލްއަގުވާމީ ގޮތުން އޮތް ބޮޑު ތާއީދެއް ކަމަށެވެ.

އެހެންކަމުން، ފަލަސްތީނުގެ ރައްޔިތުންގެ އުންމީދުތައް ހާސިލުކުރުމަށާއި، އެމީހުންގެ ހައްގުތަކުގެ ދިފާއުގައި ބައިނަލްއަގުވާމީ މައިދާނުގައި ވަކާލާތުކުރުމަށްޓަކައި، އދ. ގެ ހުރިހާ މަޖިލިސްތަކެއްގައި ފަލަސްތީނަށް ފުރިހަމައަށް ބައިވެރިވެވޭނެ އިންތިޒާމު ހަމަޖައްސައިދިނުމަށް ފަލަސްތީނު މިޝަނުން ވަނީ އދ. އަށް ގޮވާލާފައެވެ.