ތޫފާނުގެ ސަބަބުން ހާލުގައިޖެހިފައިވާ ޤައުމުތަކަށް އެހީވުމުގެ ފުރުސަތު އައިއޭސީން ހުޅުވާލައިފި
ލިޔުންތެރިޔާ
ޚަދީޖާ އަރުފާ
އިރުދެކުނު އޭޝިއާ ގައުމުތަކުގެ ސަރަހައްދުތަކަށް އައިސްފައިވާ އާދަޔާއި ޚިލާފަށް ބާރުގަދަ ތޫފާނުގެ ސަބަބުން ފެންބޮޑުވެ، އަމިއްލަ ގެދޮރު ގެއްލި ހާލުގައިޖެހިފައިވާ ފަރާތްތަކަށް އެހީވުމުގެ ފުރުސަތު އައިއޭސީން ހުޅުވާލައިފިއެވެ.
އެގޮތުން އައިއޭސީން މީސްމީޑިއާގައި ކުރި ޕޯސްޓެއްގައި ބުނީ، ތޫފާނުގައި ގެއްލުން ލިބުނު ބައެއް ގައުމުތަކަށް ވަގުތީ އެހީ ފޯރުކޮށްދިނުމުގެ މަސައްކަތް އައިއޭސީން ކުރިއަށް ގެންދާ ކަމަށެވެ.
އަދި، އަވަށްޓެރި ސްރީލަންކާއަށާ، ތައިލެންޑް، އިންޑޮނޭޝިޔާ އަދި މެލޭޝިޔާއަށް އެހީވާން ބޭނުންވާ ފަރާތްތަކަށް އެ ފުރުސަތު ހުޅުވާލާފައިވާ ކަމަށްވެސް ބުންޏެވެ. އެގޮތުން އެހީވާން ބޭނުންވާ ފަރާތްތަކުން އަންނަނިވި އެކައުންޓަށް ފައިސާ ޖަމާކުރުމަށް އައިއޭސީން އެދެއެވެ.
ބީއެމްއެލް އިސްލާމިކް: 7770000062744
އެމްއައިބީ: 90101555002111003
އެކައުންޓް ނަން: International Aid Campaign
އައިއޭސީގެ ޕްރޮޖެކްޓް އަގުތައް ހެދިފައިވާނީ ޕްރޮޖެކްޓް ހިންގުމާއި ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ޚަރަދުތައް ހިމެނޭގޮތަށް އެވަރެޖް 12.5 ޕަސެންޓު ހިމެނޭގޮތަށް ކަމަށް އެ ޖަމިއްޔާއިން ބުނެއެވެ.
ފާއިތުވި ދެ ދުވަހުގެ ތެރޭގައި ސްރީ ލަންކާއަށް ވަނީ 300 މިލިމީޓަރުގެ ވާރޭ ވެހިފައެވެ. މިއީ އެހާ ކުރު މުއްދަތެއްގެ ތެރޭގައި އެ ޤައުމަށް މި ފަހުގެ ތާރީހެއްގައި ވާރޭ ވެހިފައިވާ އެންމެ ގިނަ މިންވަރެވެ. މޫސުން ގޯސްވުމުގެ ސަބަބުން ސްރީ ލަންކާގެ 219،000 އަށްވުރެ ގިނަ މީހުންނަށް ވަނީ އަސަރުކޮށްފައެވެ. އަދި ތޫފާން ޑިޓްވާގައި މަރުވި މީހުންގެ ޢަދަދު މިހާރު ވަނީ 123 އަށް އަރާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
