ފިޖީގެ ބޮޑުވަޒީރު އިންޑިއާއަށް ރަސްމީ ދަތުރުފުޅެއް ކުރައްވައިފި
ލިޔުންތެރިޔާ
ސްޓާފް ރައިޓަރ
ޕެސިފިކް ސަރަހައްދުގައި ޗައިނާގެ ނުފޫޒު ގަދަކުރުމަށް މަސައްކަތްކުރަމުންދާ ދަނޑިވަޅެއްގައި، ފިޖީގެ ބޮޑުވަޒީރު ސިތިވޭނީ ލިގަމަމަދާ ރަބޫކާ އިންޑިއާއަށް ރަސްމީ ދަތުރުފުޅެއް ކުރައްވއިފިއެވެ.
އާދިއްތަ ދުވަހުން މިއަދުގެ ނިޔަލަށް ކުރެއްވި މި ދަތުރުފުޅުގައި ރަބޫކާ ވަނީ އިއްޔެ އިންޑިއާގެ ރައީސް ޑްރޮޕަދީ މުރްމޫ އާއި އިއްޔެ ރަޝްތްރަޕަތީ ބަވަންގައި ބައްދަލުކުރައްވާފައެވެ. މުރްމޫ ވަނީ މިދިޔަ އަހަރުގެ އޮގަސްޓް މަހު ފިޖީއަށް ފުރަމާނަ ދަތުރުފުޅެއްވެސް ކުރައްވާފައެވެ. އިއްޔެގެ ބައްދަލުވުމުގައި މި ދަތުރުފުޅުގައި ފިޖީއިން އެކަމަނާއަށް ދެއްވި މެހުމާންދާރީއަށް ރައީސް މުރްމޫ ވަނީ ޝުކުރު އަދާކުރައްވާފައެވެ.
މީގެ އިތުރުން ރަބޫކާ ވަނީ އިއްޔެ ދިއްލީގެ ހައިދަރްއާބާދު ހައުސްގައި އިންޑިއާގެ ބޮޑުވަޒީރު ނަރެންދްރަ މޯދީއާ ބައްދަލުކުރައްވާފައެވެ. އިއްޔެ ދެގައުމުގެ މެދުގައި ބޭއްވި މަޝްވަރާތަކުގައި، ދެގައުމުގެ މެދުގައި އެކި ދާއިރާތަކުން، ޚާއްސަކޮށް ދިފާޢީ ދާއިރާއިން ގުޅުން ބަދަހިކުރުމާ ބެހޭގޮތުން މަޝްވަރާކުރެވުނެވެ. ޚާއްސަކޮށް މެރިޓައިމް ސެކިއުރިޓީގެ ދާއިރާއިން ދެގައުމުގެ ގުޅުން ބަދަހިކުރުމާ ބެހޭ ގޮތުން މުހިއްމު މަޝްވަރާތަކެއް ކުރެވުނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
