ތުރުކިޔޭ އަތުން އިޓަލީ މޮޅުވެ، މަންޗީނީއަށް ހިތްހަމަ ޖެހުމެއް

ޔުއެފާ ނޭޝަންސްލީގް އޭ ގްރޫޕް އެކެއްގައި އިޓަލީ އާއި ތުރުކިޔޭ ބައްދަލުކުރިމެޗް ފަސޭހަކަމާއެކު އިޓަލީން ކާމިޔާބުކޮށްފިއެވެ.

ތުރުކިޔޭގައި ކުޅުނު މިމެޗް އިޓަލީ ކާމިޔާބުކުރީ 4-1 ގެ ނަތީޖާއިންނެވެ.

މެޗުގެ 27 ވަނަ މިނެޓާ ހަމައަށް އައިއިރު އިޓަލީން ވަނީ ތިން ލަނޑުގެ ލީޑެއް ނަގާފައެވެ. އެއީ އެލެސަންދްރޯ ބަސްޓޯނީ، ޑޭވިޑް ފްރަޓޭސީ އަދި މައިކަލް ކަޔޯޑޭ ކާމިޔާބުކޮށްދިން ލަނޑުތަކުންނެވެ. ނަމަވެސް ދެވަނަ ހާފުގެ ކުރީކޮޅު ބަރިޝް އަލްޕަރް ޔިލްމާޒް ޖަހައިދިން ލަނޑާއެކު ތުރުކީން މެޗުގެ ތެރެއަށް އެނބުރި އައުމުގެ އުންމީދެއް އާކުރިއެވެ.

އެހެންނަމަވެސް، 50 ވަނަ މިނެޓުގައި ފްރެންޗެސްކޯ ޕިއޯ އެސްޕޮސިޓޯ ބޮލުން ކާމިޔާބުކުރި ލަނޑާއެކު އިޓަލީން މެޗް ނިންމާލީ 4-1 ގެ ނަތީޖާއިން ކުރީގައި އޮވެގެންނެވެ. މި ގްރޫޕްގައި މިހާތަނަށް ކުޅުނު މެޗްތަކުން އިޓަލީއަށް އަދި ލިބުނީ ތިން ޕޮއިންޓް ލިބިފައެވެ.

މިމެޗްގެ ފުރަތަމަ ހާފް އިޓަލީން ވަނީ ވަރަށް ރަނގަޅަށް ކުޅެފައެވެ. ފުރަތަމަ ހާފް ނިމި ކުޅުންތެރިން ދަނޑުން ފޭބިއިރު ތުރުކިޔޭގެ ސަޕޯޓަރުން ވަނީ ނުރުހުންފާޅުކޮށްފައެވެ.

މެޗްގައި އިޓަލީގެ ކަޔޯޑޭ ލަނޑު ޖެހިއިރު މިއީ ބައިނަލްއަޤްވާމީ މމިފަދަ މެޗެއްގައި އޭނާ ޖެހި ފުރަތަމަ ގޯލެވެ.