"އިޙްތިރާމް އަދާކުރުމުގެ ޤައުމީ މަޝްރޫޢު" ގެ ލޯގޯ ފަރުމާކޮށްގެން 60،000 ރުފިޔާ، ކެމްޕެއިންގައި ވޮއިސް ބައިވެރިވޭ

"އިޙްތިރާމް އަދާކުރުމުގެ ޤައުމީ މަޝްރޫޢު" ގެ ލޯގޯ ފަރުމާކުރުމުގެ ފުރުސަތު މިއަދު ހުޅުވާލައިފި އެވެ.

ފަންނާއި ސަގާފަތާއި ތަރިކައާ ބެހޭ ވުޒާރާއިް ބުނީ އެއްވަނައަށް ހޮވޭ ލޯގޯއެއް އިއުލާނު ކުރުން އޮންނާނީ މަޝްރޫއު ރަސްމީކޮށް އިފްތިތާހު ކުރާ ދުވަހު ކަމަށެވެ. ލޯގޯ ފަރުމާ ކުުރުމާއި ބެހޭ ގަވާއިދާއި ފޯމް ވެސް މިހާރު ވަނީ އާންމުކޮށްފަ އެވެ.

ލޯގޯ ފޮނުވުމުގެ އެންމެ ފަހު ތާރީހަކީ މި މަހުގެ 24 ވަނަ ދުވަހުގެ މެންދުރު 2:00 އެވެ.

މީގެ އިތުރުން މަޝްރޫޢުގެ މީޑިއާ ޕާޓްނަރުންނާއެކު މިއަދު ވަނީ އެއްބަސްވުމުގައި ސޮއިކޮށްފަ އެވެ. މި މަޝްރޫއުގައި "ވޮއިސް" އިން ބައިވެރިވެ އެވެ.

ދިވެހީންގެ ތެރެއިން ނެތެމުންދާ ރީތި އާދަތައް ދިރުވާ އާލާ ކުރުމުގެ ގޮތުން "އިޙްތިރާމް އަދާކުރުމުގެ ޤައުމީ މަޝްރޫޢު" ގައި ބޮޑު މަޝްރޫޢުއެއް ހިންގަވާނެ ކަން ރައީސް އިއުލާނު ކުރެއްވީ މި އަހަރުގެ ރިޔާސީ ބަޔާނުގަ އެވެ.