މިއޮތީ ހުކުރު ދުވަހު މެންދުރު ޑެޒާޓަަކަށް ހަދާލަން ރަނގަޅު އެއްޗެއްގެ ރެސިޕީ

ހުކުރު ދުވަހަކީ ދިވެހިންގެ ގެތަކަށް ކުޑަ ޢީދެއް އަންނަ ދުވަހެކެވެ. އެހެން ކަމުން، އެ ދުވަހު މީރުކޮށް ޚާއްސަ ކެއްކުމެއް ކައްކާލުމަކީ ދިވެހިންގެ އާދައެކެވެ. މިއަދު ”ވޮއިސް“ގެ ބަދިގެއިން މި ގެނެސްދެނީ ހުކުރު ސުފުރާއަށް އިތުރުކޮށްލާނެ ފޮނި ބާވަތެއްގެ ރެސިޕީއެވެ.

ބޭނުންވާ ތަކެތި

ކްރަސްޓް:

▢ 30 އޯރިއޯ ބިސްކޯދު

▢ 6 މޭޒުސަމުސާ ސޯލްޓެޑް ބަޓަރު

ފިލިން:

▢ ½ ތަށި ހަކުރު

▢ 2 މޭޒުސަމުސާ ކޯންސްޓާޗް

▢ 1 މޭޒުސަމުސާ ކޮކޯ ޕައުޑަރު

▢ 2 ½ ތަށި ހާފް އެންޑް ހާފް (ކްރީމާއި ކިރު މިކްސްކޮށްފައިވާ އެއްޗެއް، މި ނުލިބޭ ނަމަ ކިރާއި ކްރީމް އެއްވަރަށް މިކްސް ކޮށްގެން މީގެ މިކްސް ހެދިދާނެ)

▢ 6 ބިހުގެ ގޮބޮޅި

▢ 4 މޭޒުސަމުސާ ސޯލްޓެޑް ބަޓަރު، ކުދިކޮށް ބުރިކޮށްފައި

▢ 8 އައުންސް ސެމީ-ސްވީޓް ޗޮކްލެޓް، ކުދިކޮށް ކަނޑާފައި

▢ 1 ސައި ސަމުސާ ވެނިލާ އެސެންސް

ވިޕްޑް ކްރީމް:

▢ 1 ތަށި ވަރަށް ފިނި ހެވީ ކްރީމް

▢ 3 މޭޒުސަމުސާ ޕައުޑަރު ހަކުރު

▢ 1 ސައި ސަމުސާ ވެނިލާ އެސެންސް

▢ 1 މޭޒުސަމުސާ ކޯންސްޓާޗް

ތައްޔާރު ކުރާނެގޮތް:

1. އޯރިއޯ ބިސްކޯދު މިކްސަރުން މުގުރާލުމަށްފަހު 6 މޭޒުމަތީ ސަމުސާ ބަޓަރު މެލްޓް ކުރުމަށްފަހު އެއަށް އަޅައި މިކްސް ކޮށްލާށެވެ.

2. އޯރިއޯ މިކްސްޗަރ 9 އިންޗީގެ ޓްރޭއަކަށް އަޅައި ރަނގަޅަށް ފެތުރުވާލާށެވެ. ދެން ބިއްލޫރި ތައްޓެއްގެ ފަހަތުބައިން ޕްރެސް ކޮށްގެން ބިސްކޯދު ރަނގަޅަށް ހަރުކޮށްލާށެވެ. ދެން ކްރަސްޓް ފްރިޖަށް ލާށެވެ.

3. ފިލިން ތައްޔާރުކުރުމަށް، ސޯސްޕޭނެއްގައި ½ ތަށި ހަކުރު، 2 މޭޒުމަތީ ސަމުސާ ކޯންސްޓާޗް އަދި 1 މޭޒުމަތީ ސަމުސާ ކޮކޯ ޕައުޑަރ އެއްކޮށްލާށެވެ.

4. ވަކި ބޮޑު ތައްޓަކަށް 2 ½ ތަށި ހާފް އެންޑް ހާފް އަދި 6 ބިހުގެ ގޮބޮޅި

އެއްކޮށްލާށެވެ.

5. މި ބިސް މިކްސްޗަރ ސޯސްޕޭނަށް މަޑުމަޑުން އަޅަމުން ހަލުވަމުން ގެންދާށެވެ. މި މިކްސްޗަރ އެއްކޮށް އެއްވުމުން، މެދު ގިނީގައި ކައްކާލާށެވެ.

6. ބޮކި އަރަން ފެށުމުން، މަޑު ގިނީ އިތުރު އެއް މިނެޓަށް ކައްކާށެވެ. ކައްކަމުންދާއިރު ރަނގަޅަށް ހަލުވަންވާނެއެވެ.

7. ދެން 4 މޭޒުމަތީ ސަމުސާ ބަޓަރު، 8 އައުންސް ސެމީ-ސްވީޓް ޗޮކްލެޓް އަދި 1 ސަމުސާ ވެނިލާ އެސެންސް އެއަށް އަޅައި ހުރިހާ ތަކެތި ވިރެންދެން އެއްކުރާށެވެ.

8. މި މިކްސްޗަރ ފިނިކޮށްފައިވާ ކްރަސްޓަށް އަޅާށެވެ. ޕްލާސްޓިކް ރެޕް ޕައިގެ މަތީގައި އަޅުވައި މަދުވެގެން 6 ގަޑިއިރަށް ފްރިޖަށް ލާށެވެ.

9. ޕައި ފިނިވުމުން، ވިޕްޑް ކްރީމް ތައްޔާރުކުރާށެވެ. 1 ތަށި ފިނި ހެވީ ކްރީމް ފިނިކޮށްފައިވާ މިކްސަރ ބައުލަކަށް އަޅާށެވެ. އެއަށް 3 މޭޒުމަތީ ސަމުސާ ޕައުޑަރ ހަކުރު އަދި 1 ސަމުސާ ވެނިލާ އެސެންސް އަޅައި ހޭންޑް މިކްސަރަކުން ވިޕްކޮށްލާށެވެ. ދެން 1 މޭޒުމަތީ ސަމުސާ ކޯންސްޓާޗް އަޅައި އެކުލަވާލާށެވެ.

ވިޕްޑް ކްރީމް ފިނިކޮށްފައިވާ ޕައިގެ މަތީގައި އި އެއްވަރަށް ފެތުރުވާލާށެވެ.

ބޭނުންނަމަ ކުދިކޮށް ތަޅާފައިވާ އޯރިއޯ ނުވަތަ ޗޮކްލެޓް ޝޭވިންގްސް މަތީގައި އަޅާފައި ސަރވް ކުރާށެވެ.