އިނގިރޭސި ލީގްކަޕް ފައިނަލުގެ ފުރުސަތު އާސެނަލުން ބޮޑުކޮށްފި

އިނގިރޭސި ލީގްކަޕް ފައިނަލުގެ ޖާގައެއް ހޯދުމުގެ ފުރުސަތު އާސެނަލުން ބޮޑުކޮށްފިއެވެ.

ލީގްކަޕް ފައިނަލަށް ދިއުމުގެ ފުރުސަތު އާސެނަލް ބޮޑުކޮށްފައިމިވަނީ މުބާރާތުގެ ސެމީފައިނަލުގެ ފުރަތަމަ ލެގްގައި ރޭ ޗެލްސީ އާ ދެކޮޅަށް ކުޅުނުމެޗް ކާމިޔާބުކޮށްގެންނެވެ. ޗެލްސީގެ ދަނޑުގައި ކުޅުނު މިމެޗް އާސެނަލުން ކާމިޔާބުކުރީ 3-2 ގެ ނަތީޖާއަކުންނެވެ.

ފޯރިގަދަ ކުޅުމެއް ފެނިގެންދިޔަ މިމެޗްގެ ވަރަށް ކުރީކޮޅު އާސެނަލުން ވަނީ ލީގް ނަގާފައެވެ. އެއީ މެޗްގެ 7 ވަނަ މިނެޓް ތެރޭގައި ރައިސް ތަނަވަސްކޮށްދިން ފުރުސަތެއްގައި ވައިޓް ކާމިޔާބުކޮށްދިން ލަނޑުންނެވެ.

މެޗްގެ ފުރަތަމަ ހާފް އާސެނަލް ކުރީގައި އޮވެގެން ނިމުނުއިރު، ދެވަނަ ހާފް ފަށައިގެން މާ ގިނައިރުތަކެއް ނުވެ ގިޔޮކެރޭސް ވަނީ ލަނޑެއް ޖަހައި މެޗްގެ ނަތީޖާ 2-0 ކަށް ބަދަލުކޮށްފައެވެ. އޭގެ 7 މިނެޓް ފަހުން ޗެލްސީގެ ގަނާޗޯ ވަނީ ލަނޑެއް ޖަހާފައެވެ. ޗެލްސީން ލަނޑެއް ޖަހައި ފަރަގް ކުޑަކޮށްފައިވަނިކޮށް މެޗުން މޮޅުވުމަށް އާސެނަލުން ކުރަމުން އައި އުއްމީދު އިތުރަށް އައުކޮށްދިނީ 71 ވަނަ މިނެޓް ތެރޭގައި ޒުބިމެންޑީ ކާމިޔާބުކޮށްދިން ކަނޑުންނެވެ.

މެޗްގެ 83 ވަނަ މިނެޓް ތެރޭގައު ގަނާޗޯ އިތުރު ލަނޑެއް ޖެހިނަމަވެސް މެޗް ނިމުނީ 3-2 ގެ ނަތީޖާއިން އާސެނަލް ކުރީގައި އޮވެގެންނެވެ. މުބާރާތުގެ ފައިނަލްގެ ޖާގަ އާސެނަަލަށް ކަށަވަރުވެގެންދާނީ، ފެބުރުއަރީމަހުގެ 4 ވަނަ ދުވަހު އާސެނަލްގެ އެމިރޭޓްސް ސްޓޭޑިއަމްގައި ކުޅޭ ސެމީފައިނަލްގެ ދެވަނަ މެޗަށްފަހުއެވެ.