މަރުގެހުކުމް ތަންފީޒު ނުކުރަން ރާއްޖެއިން ނިންމައިފި
ދިވެހިރާއްޖޭގައި މަރުގެ ހުކުމް ތަންފީޒުނުކުރުމަށް ނިންމާފައިވާކަމަށް ރައީސް އޮފީހުގެ މިނިސްޓަރ އަހުމަދު ނަސީމް ވިދާޅުވެއްޖެއެވެ.
ނަސީމް މިހެން ވިދާޅުވީ މިހާރު ސްވިޓްޒަރލޭންޑްގެ ޖެނީވާގައި ކުރިއަށްދާ 65 ވަނަ ޝެޝަން އޮފް ދަ ކޮމެޓީ އެގެއިންސްޓް ޓޯޗަރ ގައި ދިވެހި ދައުލަތުގެ ފަރާތުން ވާހަކަފުޅު ދައްކަވަމުންނެވެ.
ނަސީމް ވިދާޅުވީ، ފާއިތުވެދިޔަ 65 އަހަރެކޭ އެއްފަދައިން މަރުގެ ހުކުމް ތަންފީޒުނުކުރާ ގައުމެއްގެ ގޮތުގައި ރާއްޖެ އޮންނާނެކަމަށާއި، އދ.ގެ ޖެނެރަލް އެސެމްބްލީގައި މަރުގެ ހުކުމް ތަންފީޒުކުރުމާއި ދެކޮޅަށް ފާސްކުރާ ގަރާރަށް ނަގާވޯޓުގައި ރާއްޖެއިން ބައިވެެރިވާނެކަމަށްވެސް ވަނީ ފާހަގަކޮށްފައެވެ.
މީގެ އިތުރުންވެސް ނަސީމްވަނީ ކުދިންނަށްދޭ ޖިސްމާނީ އަދަބުތައް ނައްތާލައްވާނެ ކަމަށް ވިދާޅުވެ، ކޮންވެންޝަން އޮން ދަ ރައިޓްސް އޮފް ދަ ޗައިލްޑްއަށް ތަބާވުމުގައި ރާއްޖެ ސާބިތުކަމާއި އޮންނާނެކަމުގެ ޔަގީންކަން ދެއްވާފައެވެ. އަދި ކައިވެނީގެ މަތީގައި ހުރެ ގަދަކަމުންނާއި ނުރުހުމުން ޖިންސީ ގުޅުން ހިންގުމަކީ ރޭޕްކަމަށް ކަނޑައަޅާނެކަމަށްވެސް ނަސީމްވަނީ ބަޔާންކުރައްވާފައެވެ.
މީގެ އިތުރުން ގަދަބާރުން ނިޒާމުން މީހުން ގެއްލުވާލުމާއި ދެކޮޅުހެދުމާއި ބެހޭ ގަރާރު މަޖިލީހުން ފާސްކުރާނެކަމަށްވެސް މިއަދުގެ ރިވިއުގައި ވާހަކަފުޅު ދައްކަވަމުން ނަސީމްވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists