ދަރަނި ބޮޑުވާތީ ރާއްޖެއަށް ނުރައްކާ ބޮޑު ކަމަށް ވޯލްޑް ބޭންކުން ހާމަކޮށްފި

ބޭރުގެ ދަރަނި ބޮޑުވާތީ ރާއްޖެއަށް އެކަމުގެ ނުރައްކާ ބޮޑު ކަމަށް ވޯލްޑް ބޭންކުން ހާމަކޮށްފިއެވެ.

ރާއްޖޭގެ އިގްތިސާދު ރަނގަޅުވާނެ ކަމަށް، ކުރިން ވޯލްޑްބޭންކުން ލަފާކުރި ނަމަވެސް، މިހާރު ވޯލްޑްބޭންކުން ލަފާކުރާގޮތް އެއާ މުޅިން ތަފާތެވެ.

ބޯލްޑް ބޭންކުން އާއްމުކުރި މައުލޫމާތުގައި ވާގޮތުން، މި ސަރަހައްދުގެ އިގްތިސާދު ކުރިއަރާނީ 5.5 ޕަސެންޓަށެވެ. އަދި ރާއްޖޭގެ އިގްތިސާދު ކުރިއަރާނީ 6.5 ޕަސެންޓަށް ކަމަށްވެސް ލަފާކޮށްފައިވެއެވެ.

ނަމަވެސް ކުރިން ލަފާކުރި ގޮތުގައި މި އަހަރު ރާއްޖޭގެ އިގްތިސާދު 8.5 ޕަސެންޓް ކުރި އަރާނެއެވެ.

މިހާރު ރާއްޖޭގެ ދަރަނި 100 ބިލިއަނަށްވުރެ މައްޗެވެ.

ތަރައްގީގެ ބޮޑެތި މަޝްރޫއުތައް ހިންގަން ސަރުކާރުން ނިންމާފައި ވާތީ، އެކަމާ ގުޅިގެން ދަރަނި އިތުރަށް މަތިވާނެ ކަމަށް ވޯލްޑް ބޭންކުން ވަނީ ލަފާކޮށްފައެވެ.

މީގެ އިތުރުން ވޯލްޑް ބޭންކުން ބުނީ، ސަރުކާރު ހިއްސާވާ ކުންފުނިތަކަށް ފައިސާ ދިނުމާއި، މި އަހަރު ބޭއްވުމަށް ހަމަޖެހިފައިވާ ރިޔާސީ އިންތިހާބުގެ ހަރަދުތަކުގެ ސަބަބުން ސަރުކާރުގެ މާލިއްޔަތަށް ހީނަރުކަން އަންނާނެ ކަމަށެވެ.

އަދި ސަބްސިޑީ ކުޑަކޮށް، ސަބްސިޑީ ދޭ ގޮތްވެސް ބަދަލު ކުރުމަށް ވޯލްޑް ބޭންކުން ވަނީ އިރުޝާދު ދީފައެވެ.

ރާއްޖޭގެ އިންފްލޭޝަން މި އަހަރު 5.7 ޕަސެންޓަށް އަރާނެ ކަމަށް ވޯލްޑް ބޭންކުން ލަފާކުރެއެވެ.