ދިވެހިރާއްޖޭގެ ފަތުރުވެރިކަމުގެ ދާއިރާ އާއި އެހެނިހެން ވިޔަފާރިތަކަކީ ގިނަ އަދަދެއްގެ އާންމު ރައްޔިތުންނާއި ކަސްޓަމަރުންނާ މުޢާމަލާތްކުރާ ދާއިރާތަކެކެވެ. މިފަދަ ވިޔަފާރިތަކުގައި، ޚާއްޞަކޮށް ހޮޓާ ނުވަތަ ރިސޯޓް ފަދަ ތަންތަނުގައި، އަހަރެމެން ހީނުކުރާ ފަދަ ހާދިސާތައް ހިނގާ ކަމީ ގަބޫލުކުރަންޖެހޭ ހަގީގަތެކެވެ. އެފަދަ ޙާލަތްތަކުގައި ހަތަރު އުދަރެސް ފެނުޖެހި ކުރާނެ ކަމެއް ނޭނގިފައި ތިބުމުގެ ބަދަލުގައި ބެކްއަޕް ޕްލޭނެއް ތައްޔާރު ކުރެވިފައި އޮތުމަކީ މުހިންމު ކަމެކެވެ.

އެލައިޑް ޕަބްލިކް ލައިބިލިޓީ އިންޝުއަރެންސަކީ މިފަދަ ހާދިސާތަކުން ކުރިމަތިވެދާނެ މާލީ ބޮޑެތި ޒިންމާތަކުން ވިޔަފާރިވެރިން ސަލާމަތްކޮށްދިނުމަށް ފަރުމާކުރެވިފައިވާ މުހިންމު ޕްލޭނެކެވެ. މީގެ މައިގަނޑު މަޤްޞަދަކީ ތިންވަނަ ފަރާތަކަށް ލިބޭ ޖިސްމާނީ އަނިޔާއަކަށް ނުވަތަ މުދަލަކަށް ލިބޭ ގެއްލުމަކަށް ވިޔަފާރީގެ ފަރާތުން ޤާނޫނީ ގޮތުން ޒިންމާވާންޖެހޭ ހާލަތްތަކުގައި ބަދަލު ފޯރުކޮށްދީ، ވިޔަފާރީގެ މާލީ ދެމެހެއްޓެނިވިކަން ކަށަވަރުކޮށްދިނުމެވެ.

ޕަބްލިކް ލައިބިލިޓީ އިންޝުއަރެންސްގެ ދަށުން ވިޔަފާރިތަކަށް ތިރީގައިވާ ކަންކަމުގައި މާލީ ބަދަލު ލިބިދެއެވެ.

ޖިސްމާނީ އަދި ޞިއްޙީ ގެއްލުން: ވިޔަފާރީގެ ތެރެއިން ދިމާވާ ކަމަކުން މީހަކަށް ލިބޭ ޖިސްމާނީ އަނިޔާ، ބަލިމަޑުކަން ނުވަތަ ފުރާނައަށް ލިބޭ ގެއްލުންތަކަށް ދޭންޖެހޭ ޤާނޫނީ ބަދަލު.

މުދަލަށް ލިބޭ ގެއްލުން: ތިންވަނަ ފަރާތެއްގެ މުދަލަކަށް ލިބޭ ގެއްލުން ނުވަތަ މުދާ ހަލާކުވުމުން އުފުލަންޖެހޭ މާލީ ޒިންމާ.

ޤާނޫނީ ޚަރަދުތައް: ހާދިސާއަކާ ގުޅިގެން ކުރިމަތިވާ ދަޢުވާތަކަށް ހިނގާޚަރަދުތަކާއި، ދަޢުވާކުރާ ފަރާތަށް ދޭންޖެހޭ ކަމަށް ކޯޓުން ކަނޑައަޅާ ޚަރަދުތައް. މީގެ އިތުރުން، އެލައިޑް އިންޝުއަރެންސްގެ ހުއްދައާއެކު ކުރެވޭ ޤާނޫނީ އެހެނިހެން ޚަރަދުތައްވެސް މީގެ ތެރޭގައި ހިމެނެއެވެ.

ރާއްޖޭގެ ފަތުރުވެރިކަމުގެ ސިނާޢަތަށް ބަލާއިރު، މޫދު ކުޅިވަރުގެ ޙަރަކާތްތަކަކީ ވަރަށް އާންމު ކަމެކެވެ. އެހެންކަމުން، މި ޕޮލިސީގެ ދަށުން މޫދު ކުޅިވަރުގެ ޙަރަކާތްތަކުގެ ތެރެއިން ދިމާވާ ހާދިސާތަކަށް ލިބޭ ގެއްލުންތައް ކަވަރުކުރެވޭ ގޮތަށް ޕޮލިސީ ފުޅާކުރުމުގެ ފުރުޞަތު އޮވެއެވެ.

ކޮންމެ އިންޝުއަރެންސް ޕޮލިސީއެއްގައިވެސް އިސްތިސްނާވާ ކަންތައްތަކެއް ހުރެއެވެ. އެގޮތުން މި ޕޮލިސީގައި ކަވަރުނުކުރާ ކަންކަމަކީ:

އެއްބަސްވުމެއްގެ ދަށުން އަމިއްލައަށް އުފުލާ ޒިންމާތައް.

އިންޝުއަރެންސް ކުރި ފަރާތުގެ އަމިއްލަ މުދަލަށް ލިބޭ ގެއްލުން.

ތަޣައްޔަރުވުމާއި ކާނާ ވިހަވުން ފަދަ ކަންކަން

ނިއުކްލިއަރ، ރޭޑިއޯއެކްޓިވް އަދި ހަނގުރާމައިގެ ސަބަބުން ލިބޭ ގެއްލުންތައް.

މި އިންޝުއަރެންސްގެ ޚިދުމަތާއި ކަވަރޭޖް ހިނގާނީ ދިވެހިރާއްޖޭގެ ސަރަޙައްދުގައި ހިނގާ ހާދިސާތަކަށެވެ.

ހާދިސާއެއް ހިނގުމާއެކު، ވީހާވެސް އަވަހަކަށް އެލައިޑް އިންޝުއަރެންސަށް އެކަން އެންގުމަކީ މުހިންމު ކަމެކެވެ. މީގެ ބައެއް ގޮތްތަކަކީ:

ޓޯލް ފްރީ ނަންބަރު 1600 އަށް ގުޅުއްވުން.

[email protected] އަށް އީމެއިލް ކުރެއްވުން.

MyAllied މޮބައިލް އެޕް ނުވަތަ ޕޯޓަލް މެދުވެރިކޮށް ހުށަހެޅުން.

ހާދިސާއެއް ދިމާވާ ހިނދު، ގެއްލުން ކުޑަކުރުމަށް ފިޔަވަޅު އެޅުމާއި، ޖިނާއީ ކަމެއް ހިމެނޭނަމަ ފުލުހުންނަށް ރިޕޯޓްކުރުން މުހިންމެވެ. އަދި އިންސްޕެކްޓް ކުރެވެންދެން ގެއްލުންވި ތަކެތި ރައްކާތެރިކަމާއެކު ބެހެއްޓުމަށާއި، އެލައިޑްގެ ހުއްދައާ ނުލައި އެއްވެސް ފަރާތަކަށް ބަދަލުދޭން އެއްބަސްނުވުމަށް ސަމާލުކަން ދޭންވާނެއެވެ.

އެލައިޑް ޕަބްލިކް ލައިބިލިޓީ އިންޝުއަރެންސަކީ ވިޔަފާރިއެއްގެ ރައްކާތެރިކަމަށްޓަކައި ކޮންމެހެން ބޭނުންތެރި އައްޑަނައެކެވެ. މީގެ ސަބަބުން ކުއްލިއަކަށް ދިމާވާ ހާދިސާތަކުގެ ސަބަބުން ވިޔަފާރިއަށް ކުރިމަތިވެދާނެ މާލީ ނުރައްކާތަކުން ހިމާޔަތް ލިބި، ހިތްހަމަޖެހުމާއެކު ވިޔަފާރި ކުރިއަށް ގެންދިއުމުގެ ފުރުޞަތު ފަހިވެގެންދެއެވެ. އެހެންކަމުން، ކޮންމެ ވިޔަފާރިވެރިއަކީވެސް މިފަދަ އިންޝުއަރެންސް ރައްކާތެރިކަން ހޯދާފައިވާ ފަރާތަކަށް ވުމަކީ ބުއްދިވެރި ކަމެކެވެ.