ދިވެހިރާއްޖެއަކީ ކަނޑުގެ ސަރަހައްދު ބޮޑު، ދަތުރުފަތުރާއި އިގްތިސާދީ ގިނަ މަސައްކަތްތަކެއް ކަނޑުމަތީގައި ކުރާ ގައުމަކަށް ވުމުން، ކަނޑު އުޅަނދުފަހަރަށް ލިބިދާނެ ގެއްލުންތަކުން ރައްކާތެރިވުމަކީ ކޮންމެ އުޅަނދުވެރިއަކަށްމެ ނުހަނު މުހިންމު ކަމެކެވެ.

އެލައިޑް އިންޝުއަރެންސްގެ "މެރިން ހަލް" އިންޝުއަރެންސް އަކީ ކަނޑު ދަތުރުފަތުރުގެ މަސައްކަތްތަކުގައި ދިމާވާ އެކި ހާދިސާތަކުގެ ސަބަބުން އޮނނިގަނޑަށާއި (ހަލްއަށާއި)، އިންޖީނަށާއި، މެޝިނަރީ އަދި އުޅަނދުގައި ހުންނަ އެހެނިހެން ސާމާނުތަކަށް ލިބޭ ގެއްލުންތަކުން މާލީ ރައްކާތެރިކަން ފޯރުކޮށްދޭ ޚިދުމަތެކެވެ. މި ޚިދުމަތުގެ ދަށުން "ސްމާޓް ކޯޓް" މެދުވެރިކޮށް އަގުތައް ބަލާލުމުގެ ފުރުސަތު ލިބިގެންދެއެވެ.

އެލައިޑް މެރިން ހަލް އިންޝުއަރެންސްގެ ދަށުން މައިގަނޑު ދެ ބާވަތެއްގެ ކަވަރޭޖް އިޚްތިޔާރު ކުރެވެއެވެ. އެއީ:

އިންސްޓިޓިއުޓް ޓައިމް ކްލޯސަސް ހަލްސް - ޓޯޓަލް ލޮސް އޮންލީ: މި ކަވަރޭޖްގެ ދަށުން ބަދަލުދެވޭނީ އުޅަނދު އެއްކޮށް ހަލާކުވެއްޖެ ނަމަ ނުވަތަ މަރާމާތު ނުކުރެވޭ ވަރަށް ގެއްލުންވެއްޖެ ހާލަތްތަކުގައި އެކަންޏެވެ.

އިންސްޓިޓިއުޓް ޓައިމް ކްލޯސަސް ހަލްސް – ފުލް ކަވަރ: މި ކަވަރޭޖަކީ އުޅަނދަށް ލިބޭ ކުދި އަދި ބޮޑެތި ހުރިހާ ގެއްލުންތަކެއް ހިމެނޭހެން ފޯރުކޮށްދޭ ފުރިހަމަ ރައްކާތެރިކަމެކެވެ.

މި ދެ ކަވަރޭޖްގެ ތެރޭގައިވެސް "ސެލްވޭޖް" ނުވަތަ އުޅަނދު ސަލާމަތްކުރުމަށް ހިނގާ ޚަރަދުތަކާއި، ގެއްލުން ކުޑަކުރުމަށް ކުރެވޭ މަސައްކަތުގެ ޚަރަދުތައް ހިމެނެއެވެ.

މި އިންޝުއަރެންސްގެ ދަށުން ތިރީގައިވާ ކަންކަމުން ލިބޭ ގެއްލުންތަކަށް ބަދަލު ލިބިދެއެވެ.

- ކަނޑުމަތީގައި ދިމާވާ ހާދިސާތަކުން ލިބޭ ގެއްލުންތަށް

- ކަނޑު ފޭރުމުގެ އަމަލުތައް

- އަލިފާނުގެ ހާދިސާތަކާއި ގޮވުންތައް

- އުޅަނދު ސަލާމަތް ކުރުމަށް މުދާ ކަނޑަށް އުކާލުން

- މަތިންދާބޯޓު ފަދަ އެއްޗެއް ޖެހުން ނުވަތަ ބަނދަރުގެ ވަސީލަތެއްގައި ޖެހި ހިނގާ ހާދިސާތައް

- ބިންހެލުން ނުވަތަ ހޮނު އެޅުން

- މުދާ ބަރުކުރުމުގައި ނުވަތަ ބޭލުމުގައި ދިމާވާ އެކްސިޑެންޓްތައް

- ބޮއިލަރު ގޮވުން، ޝާފްޓް ބިންދައިގެން ދިއުން ނުވަތަ އިންޖީނުގެ މައްސަލައެއްގެ ސަބަބުން ދިމާވާ ކަންކަން

- ފަޅުވެރިންގެ ނުވަތަ މަރާމާތުކުރާ ފަރާތްތަކުގެ އިހުމާލުން ލިބޭ ގެއްލުންތައް

މީގެ އިތުރުން، އިތުރު ޕްރީމިއަމްއަކާއެކު "ޕަސެންޖަރ ލައިބިލިޓީ" ނެގުމުގެ ފުރުސަތު އޮވެއެވެ. މީގެ ދަށުން އުޅަނދުން ދަތުރުކުރާ ފަސިންޖަރުންގެ ފުރާނައަށް ނުވަތަ ހަށިގަނޑަށް ލިބޭ އަނިޔާތަކާއި، އެމީހުންގެ މުދަލަށް ލިބޭ ގެއްލުންތަކަށް ބަދަލުދެވޭނެއެވެ.

ހަނގުރާމައާއި ހަޅުތާލުގެ ސަބަބުން ލިބޭ ގެއްލުންތަކާއި، ގަސްތުގައިދޭ ގެއްލުންތަކުގެ އިތުރުން ނިއުކްލިއަރ ހަތިޔާރު ފަދަ ވަސީލަތްތަކުން ލިބޭ ގެއްލުންތަކަށް މި އިންޝުއަރެންސްގެ ދަށުން ބަދަލެއް ނުލިބޭނެއެވެ.

ހާދިސާއެއް ދިމާވެއްޖެނަމަ ލަސްނުކޮށް އެލައިޑަށް އެންގުމަކީ ކޮންމެހެން ކުރަންޖެހޭ ކަމެކެވެ. މިގޮތުން 1600 އަށް ގުޅައިގެން ނުވަތަ އަށް އީމެއިލްކޮށްގެން އެންގިދާނެއެވެ. [email protected]

- ގެއްލުން ކުޑަކުރުމަށް އެޅެންހުރި ހުރިހާ ފިޔަވަޅެއް އެޅުން.

- އަލިފާނުގެ ހާދިސާ، ވައްކަން ނުވަތަ އެކްސިޑެންޓެއް ހިނގައިފިނަމަ ފުލުހުންނަށް އަންގައި ރިޕޯޓް ކުރުން.

- އިންޝުއަރެންސް ކުންފުނީގެ ހުއްދައާ ނުލައި މަރާމާތުގެ މަސައްކަތް ނުފެށުން.

- ހަލާކުވި ތަކެތި އިންސްޕެކްޓް ކުރެވެންދެން ރައްކާތެރިކޮށް ބެލެހެއްޓުން.

- ކުންފުނީގެ ލިޔުމުން ލިބޭ ހުއްދައަކާ ނުލައި، އެއްވެސް ފަރާތަކަށް ބަދަލުދޭނެ ކަމުގެ ޔަގީންކަން ނުދިނުން.

ކަނޑު ދަތުރުފަތުރަކީ ގުދުރަތީ ގޮތުންނާއި އެހެނިހެން ގޮތްގޮތުން ގިނަ ގޮންޖެހުންތަކެއް ހުރި މަސައްކަތަކަށް ވީހިނދު، އެލައިޑް މެރިން ހަލް އިންޝުއަރެންސަކީ އުޅަނދުވެރިންނަށް ލިބޭ ވަރަށް ބޮޑު ހިތްހަމަޖެހުމެކެވެ. މިއީ އުޅަނދަށް ލިބޭ ގެއްލުންތަކުން ކުރިމަތިވެދާނެ ބޮޑު މާލީ ބުރައިން ސަލާމަތްވެ، ދެމެހެއްޓެނިވި ގޮތެއްގައި ދަތުރުފަތުރުގެ ޚިދުމަތް ކުރިއަށް ގެންދިއުމަށް އޮތް އެންމެ އިތުބާރު ހުރި މަގެވެ.