ރާއްޖޭގެ ރައްޔިތުން އުފާވާ ދަރަޖައަށް މަޖިލީހުގެ ކަނތައްތއް އިންސާފްވެރިކަމާއި އެކު ގެންދާނެ ކަމުގެ ޔަޤީންކަން އަރުވާކަމަށް މާމިގިލި ދާއިރާގެ މެންބަރު އަދި ޖުމްހޫރީ ޕާޓީގެ ލީޑަރު ޤާސިމް އިބްރާހިމް ވިދާޅުވެއްޖެއެވެ.

ޤާސިމް މިހެން ވިދާޅުވެފައި މިވަނީ ގުޅިފައިވާ އިއްތިހާދުގެ މަޖިލިސް މެންބަރުން މަޖިލީހުގެ ރައީސް އަކު ކަނޑައެޅުމަށް ބޭއްވި ބައްދަލު ވުމަށް ފަހު މީޑިއާތަކަށް މައުލޫމާތު ދެއްވަމުންނެވެ.

ޤާސިމް އިތުރަށް ވިދާޅުވި ގޮތުގައި މަޖިލީހުގެ ކަންކަން ހިންގަމުން ގެންދާނީ ޑިމޮކްރަޓިކް އުސޫލުތަކާއި، ހަމަތަކާއި އިނތަކާއި މިންތަކުގެ މަތިންނެވެ.

އަދި އިންތިހާބީ ރައީސް އާއި ނައިބް ރައީސް ވިސްނުން ހުންނާނީވެސް އިންސާފްގެ މަގަށް ހުރިހާ ކަމެއް ބަދަލު ކުރުމަށް ކަން ޔާޤީން ކުރައްވާ ކަމަށްވެސް ޤާސިމް އިބްރާހިމް ވިދާޅުވިއެވެ.

މަޖިލީހުގެ ރައީސް އަބދުﷲ މަސީހުގެ އިތުބާރު ނެތްކަމުގެ މައްސަލަ ވަނީ ނޮވެންބަރު 8 ވަނަ ދުވަހަށް އެޖެންޑާކޮށްފައެވެ.

އަދި މަޖްލިސް ރައީސް ކަމަށް މިހާތަނަށް ޤާސިމް އިބްރާހިމް ގެ އިތުރުން ވެރިކަން ކުރާ ޕާޓީ ޕީޕީއެމް އިން އަބްދުރަހީމް އަބްދުﷲ ކުރިމަތިލާނެ ކަން ވަނީ އިއުލާން ކުރައްވާފައެވެ.