ގަލޮޅު ގުދަނެއްގައި ރޯވުން؛ ދުމުގެ އަސަރު ކޮށްފައިވާ ސަރަހައްދައް ނުދާން އެޗްޕީއޭއިން އެދިއްޖެ
ގަލޮޅު ގުދަނެއްގައި ރޯވުމުގެ ސަބަބުން ދުމުގެ އަސަރުކޮށްފައިވާ ސަރަހައްދަށް ނުދިޔުމަށާއި ދުމުގެ އަސަރަށް ސަމާލުވުމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އެދިއްޖެ އެވެ.
އެގޮތުން، އެޗްޕީއޭއިން ވަނީ އެކްސްގައި މި ހާދިސާއާއި ގުޅިގެން ރައްކާތެރިވުމަށްޓަކައި ސަމާލުކަން ދޭންވީ ކަންތައްތަކާއި ބެހޭގޮތުން ޕޯސްޓެއް ކޮށްފަ އެވެ.
އެޗްޕީއޭއިން ވަނީ ދުމުގެ އަސަރުކޮށްފައިވާ ސަރަހައްދައް ކޮންމެހެން ނުކުންނަން ޖެހިއްޖެ ހާލަތެއްގައި މެނުވީ ނުނިކުތުމަށާއި، ދުމުގެ އަސަރުކޮށްފައިވާ ސަރަހައްދައް ނުކުތުމުގެ ކުރިން އަނގައާއި ނޭފަތް ނިވާ ކުރުމަށް އެދިފަ އެވެ.
އަދި، ނޭވާލާ ނިޒާމް އަދި ހިތުގެ ބަލިތައް ހުންނަ ފަރާތްތަކަށް ދުމުގެ ސަބަބުން ކުރާ ނޭދެވޭ އަސަރު ބޮޑުކަން ފާހަގަކޮށް ސަމާލުވާން އެދިފައިވެ އެވެ.
ހަމައެހެންމެ، ގޭގެ ދޮރުތަކާއި ކުޑަދޮރުތައް، ދުން ނުވަންނާނެހެން ބަންދުކުރުމަށްވެސް ވަނީ އިލްތިމާސްކޮށްފަ އެވެ.
މީގެއިތުރުން، އެޗްޕީއޭއިން ވަނީ ނޭވަ ކުރުވުން/ނޭވާލާން އުނދަގޫވުން، ގަދަޔަށް ކެއްސުން އަދި ބޯ އެނބުރުން ފަދަ އަލާމާތެއް ފެނިއްޖެނަމަ ލަސްނުކޮށް ސިއްހީ އެހީތެރިއެއްގެ ލަފާ ހޯދުމަށް އަންގާފަ އެވެ.
މިއަދު މާލޭގައި ހިނގި އަލިފާނުގެ ހާދިސާގައި އެއްވެސް މީހެކަށް އަނިޔާއެއް ލިބިފައެއް ނުވެ އެވެ. އަދި މިހާރު ވަނީ އަލިފާންގަނޑު ކޮންޓްރޯލް ކޮށް ނިއްވާލާފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
