ކުޅުދުއްފުށި އެއާރޕޯޓަށް ރޭގަނޑުކުރާ ކޮމާޝަލް ދަތުރުތަކުގެ ފުރަތަމަ ފުލައިޓް ޖައްސައިފި
ގައުމީ އެއަރލައިން، މޯލްޑިވިއަން އިން ކުޅުދުއްފުށި އެއާރޕޯޓަށް ރޭގަނޑުކުރާ ކޮމާޝަލް ދަތުރުތަކުގެ ފުރަތަމަ ފުލައިޓް އެ އެއާރޕޯޓަށް ރޭ ޖައްސައިފިއެވެ.
ކުޅުދުއްފުށީ އެއާޕޯޓަށް ރޭގަނޑު ފްލައިޓް ދަތުރުތައް ކުރޭނެ ގޮތަށް ރަންވޭގައި ބައްތި ޖަހާ ނިންމާ ޓެސްޓް ފްލައިޓް ޖެއްސީ މިމަހު 13 ވަނަ ދުވަހު އެވެ.
އެއަށްފަހު މިހާރު ކޮމާޝަލް ރޭގަނޑު ފުލައިޓް ދަތުރު އެ އެއާރޕޯޓަށް މޯލްޑިވިއަނުން ފަށާފައިވާ ކަމަށް އެ އެއާޕޯޓް ހިންގާ ރީޖަނަލް އެއަރޕޯޓްސް ކޮންޕެނީ (އާރްއޭސީއެލް) ވަނީ ބުނެފަ އެވެ.
ކުޅުދުއްފުށި އެއާރޕޯޓްގައި ގާއިމުކުރި ލައިޓިން ސިސްޓަމަކީ، ލެޑް ސިސްޓަމެއް ކަމަށާއި އޭގެ ސަބަބުން ދިމާވާ މައްސަލަތަށް މަދުވެ ލައިޓުތަކުގެ އުމުރު ދިގުވުމުގެ އިރުތުން ލައިޓިންއަށް ހޭދަވާ ކަރަންޓު ހަރަދު ވަރަށްބޮޑަށް ކުޑަވާނެ ކަމަށް އާރްއޭސީއެލް އިން ބުނެއެވެ.
އާރްސީއޭއެލްއިން ބުނީ ރޭގަނޑު ފްލައިޓް ޖައްސަން ފެށުމާއެކު ކުޅުދުއްފުށި އެއާރޕޯޓުން ދޭ ޚިދުމަތްތައް 24 ގަޑިއިރަށް ބަދަލުވާނެ ކަމަށާއި މިކަމުގެ ސަބަބުން ކުޅުދުށްފުށްޓާއި ކައިރި ރަށްރަށުގައި ދިރިއުޅޭ ރައްޔިތުންނަށް ދިމާވެފައިވާ ދަތިތަކަށް ހައްލު ލިބި ރޭގަނޑު ވައިގެ މަގުން ދަތުރުކުރުމަށް މަގުފަހިވާނެ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
