އައްޑޫގައި ބާއްވާ "ބަލަދް ބަންގި މުބާރާތް 2026" ގައި ބައިވެރިވުމުގެ ފުރުސަތު ހުޅުވާލައިފި
އައްޑޫ ސިޓީގެ ދަރިވަރުންނާއި ޒުވާނުންނަށް އަމާޒުކޮށްގެން އަލް ބަލަދް ޖަމްޢިއްޔާއިން އިންތިޒާމްކުރާ "ބަލަދް ބަންގި މުބާރާތް -1 (2026)" ގައި ބައިވެރިވުމުގެ ފުރުޞަތު ހުޅުވާލައިފިއެވެ. މި މުބާރާތް ބޭއްވުމަށް ހަމަޖެހިފައިވަނީ އަންނަ ނޮވެމްބަރު މަހުގެ 11 އިން 12 އަށެވެ.
ބަންގީގެ މާތް ޝަޢާރު ދިރުވައި، އަކުރު އަދާކުރުމުގެ ހަމަތަކުން ރީތި ރާގުތަކަށް ބަންގި ގޮވާނެ ހުނަރުވެރި ޒުވާން ޖީލެއް ބިނާކުރުމަށް ބާއްވާ މުބާރާތ ކުރިއަށްދާނީ 15 އަހަރުން ދަށް އަދި 15 އާއި 25 އަހަރާ ދެމެދުގެ ދެ ޢުމުރުފުރާއަކަށް ބަހާލައިގެންނެވެ. މުބާރާތުގެ އޮޑިޝަން ބުރަށްފަހު ފައިނަލް ބުރު ކުރިއަށްދާނީ ސޯޝަލް މީޑިއާ މެދުވެރިކޮށް ވަގުތުން ލައިވްކޮށެވެ.
މުބާރާތުގެ ޚާއްސަ ވަނަވަނައަށް ދާ ފަރާތްތަކަށް ފައިސާގެ އިނާމާއި ޓްރޮފީ ދިނުމަށް ވަނީ ހަމަޖެހިފައެވެ.
މުބާރާތުގައި ބައިވެރިވުމުގެ އެންމެ ފަހު ތާރީޚަކީ 20 އޮކްޓޯބަރު 2026 އެވެ. ރަޖިސްޓްރީވުމަށް އޮންލައިން ފޯމު ފުރިހަމަކުރަން ޖެހޭއިރު، އިތުރު މަޢުލޫމާތު ސާފުކުރުމަށް 9927969 ނުވަތަ 9684647 އާ ގުޅުމަށް އެ ޖަމްޢިއްޔާއިން އެދެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
