15 މިލިއަނަށްވުރެ ގިނަ ސީރިޔާ ރައްޔިތުން ވަނީ އެހީއަށް ބޭނުންވެފައި: ޔޫއެން
15 މިލިއަނަށް ވުރެ ގިނަ ސީރިޔާ ރައްޔިތުން ވަނީ އެހީއަށް ބޭނުންވެފައި ކަމަށް ޔުނައިޑެޓް ނޭޝަންސް އިން ބުނެފިއެވެ.
15 މިލިއަން އަކީ ސީރިޔާގެ އާބާދީގެ 70 އިންސައްތައެވެ. ޔޫއެން އިން ބުނެފައިވަނީ ސީރިޔާގެ އާބާދީގެ މިހާބޮޑު ބައެއް އެހީއަށް ޖެހިފައިމިވަނީ ފެބްރުއަރީ މަހު އައި ބިންހެލުން ތަކުގެ ސަބަބުން ކަމަށެވެ.
ސީރިޔާގެ މީހުން ތިބީ އިންސާނިއްޔަތަށް އެންމެ ބޭނުން ޒަރޫރީ ކަންކަަމަށް އިންތިހާއަށް ޖެހިފައި ކަމަށް ސީރިޔާގެ ހާލަތު ބައްލަވާ ޔޫއެންގެ އޮފިޝަލަކު ވިދާޅުވެފައި ވެއެވެ. އަދި ބޯހިޔާވަހިކަމުގެ ކަންކަމުގައި އެމީހުންގެ ހާލަތު ވަރަށް ދެރަ ކަމަށް އޭނަ ވަނީ ވިދާޅުވެފައެވެ.
އޭނާ އިތުރަށް ވިދާޅުވީ ސީރިޔާގެ ރައްޔިތުން ތިބީ ފާއިތުވި 12 އަހަރަށްވުރެ ބޮޑަށް ބައިނަލް އަޤްވާމީ އެހީއަށް މިހާރު ބޭނުންވެފައި ކަމަށެވެ. ސިރިޔާގެ ހުޅަނގުއުތުރަށް ބޭނުންވާ އެހީގެ ސާމާނު ފޯރުކޮށްދިނުމަށް މަގެއް ނެތުމަކީ ދިމާވެފައިވާ އެންމެ ބޮޑު ދަތިކަން ކަމަށް އޭނަ ވަނީ ފާހަގަ ކުރައްވާފައި ވެއެވެ.
އަދި ސީރިޔާގެ އެސަރަހައްދަކީ ބިންހެލުމުގެ ސަބަބުން އެންމެ ބޮޑަށް މީހުން ހާލުގައި ޖެހުނު ސަރަހައްދެވެ. ފަންޑުކުރެވިގެން ހޯދިފައި ހުރި އެހީގެ ސާމާނު ބޯޑަރާއި ހަމައަށް ގެނެވިފައި ހުރި ނަމަވެސް އެތަކެތި އެއަށް ބޭނުން ޖެހިފައިވާ އެތައް މިލިއަން މީހުންނާއި ހަމައަށް ހުރީ ފޯރިކޮށްނުދެވިއެވެ.
ބިންހެލުމުގައި ހާލުގައި ޖެހުނު ފަރާތްތަކަށް އެތަކެތި ފޯރު ކޮށްދޭން ހުރި މަގުތަކުގެ ދަތިކަން އިންތިހާއަށް ބޮޑެވެ. އެމަގުތަކަކީ ސިރިޔާގެ ބެލުމުގެ ދަށުގައި ހުރި ތަންތަން ކަމުން ބިނަ ހެލުމާއި ގުޅިގެން އެހީ ފޯރު ކޮށްދިނުމަށް ދަތިވެ ޔޫއެންގެ އެދުމަށް ބާބް އަލް ހަވާ ނޫން އެހެން ދޮރުތައްވެސް 3 މަސް ދުވަހަށް ވަނީ ހުޅުވައިދީފައެވެ.
ނަމަވެސް އަދިވެސް އެހީ އެންމެ ބޭނުންވި ސަރަހައްދު ތަކަށް އެހީވަނީ ނުލިބިއެވެ. އެހެން ކަމުން އެހީގެ ގާފިލާ ތަކަށް ދަތުރު ކުރެވޭހެން އިތުރު 12 މަހަށް އެމަގުތައް ހުޅުވައިދިނުމަށް ޔޫއެން އިން ވަނީ މިހާރު އެދިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
