ނިވައިކަމެއްނެތި ބާއްވާފައިވާ ސްޓޭޖް ހަރަކާތަކީ ކަނޑައެޅިގެން ދީނާޚިލާފު ކަމެއް: ޢަލީ ޒާހިރު
ނިވައިކަމެއްނެތި ބާއްވާފައިވާ ސްޓޭޖް ހަރަކާތަކީ ކަނޑައެޅިގެން ދީނާޚިލާފު ކަމެއް ކަމަށް ރާއްޖޭގެ މަޤްބޫލް ދީނީ ޢިލްމު ވެރިޔާ ޑރ ޢަލީ ޒާހިރު ބިން ސަޢީދު ޤާސިމް ވިދާޅުވެއްޖެއެވެ.
ޢަލީ ޒާހިރު މިހެން ވިދާޅުވީ އޭނާ ކުރައްވަވާފައިވާ ޓްވީޓެއްގައެވެ.
"އިސްލާމްދީނާއި އާންމު އިޖްތިމާއި މިންގަނޑު ތަކާ ޚިލާފަށް ޢީދު ކުޅިވަރުގެ ގޮތުގައި ނިވައިކަމެއްނެތި ބާއްވާފައިވާ ސްޓޭޖް ހަރަކާތަކީ ކަނޑައެޅިގެން ދީނާޚިލާފު ކަމެއް، މުޖްތަމަޢުގައި ފާހިޝް ކަންކަން އާންމު ކުރުމުގެ ޢަމަލެއް، ފިޔަވަޅު އަޅަން ޖެހޭކަމެއް"
ޑރ ޢަލީ ޒާހިރު ގެ ޓްވީޓުގައި ވިދާޅުވެފައިވެއެވެ.
ޑރ ޢަލީ ޒާހިރު މިހެން ވިދާޅުވެފައި މިވަނީ އަޟްޙާ ޢީދުގެ ފާހަގަ ކުރުމަށް ގއ ވިލިގިނލީގައި ސްޓޭޖްމަތީގައި ދިވެހި އަންހެނުންތަކެއް ނިވާކަން ކުޑަ ގޮތެއްގައި ތިބެ ހުށައެޅި ސްޓޭޖް ހަރަކާތް ތަކަކާއި ގުޅިގެނެވެ.
ސޯޝަލް މީޑިއާގައި މިކަމާއި ގުޅިގެން ގިނަ ބަޔަކު އަންނަނީ ފާޑު ކިޔަމުންނެވެ.
ރާއްޖޭގެ މަޝްހޫރު ދީނީ ޢިލްމު ވެރިންނާއި ބައެއް ސިޔާސީ ފަރާތްތަކުންވެސް މިކަން ކުށްވެރިކޮށް އެކަން ޙިއްސާކޮށްފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
