ލުބުނާންގެ ޝެފް ޢަބީރް މިފަހަރު ކެއްކީ ގަރުދިޔަ އާއި ބަތް
ޓިކްޓޮކުން މަޝްހޫރުވި ލުބްނާންގެ ޝެފް ޢަބީރް އަލް ޞަޣީރް ރާއްޖެގައި ޢާންމުކޮށް ކައްކައި ކެއުމަށް ބޭނުން ކުރާ ގަރުދިޔަ އާއި ބަތް ކައްކާ ވީޑިއޯ އެއް އެތައްބައެއްގެ ސަމާލުކަން ހޯދައިފިއެވެ.
ޢަބީރްގެ ވީޑީއޯތަކަކީ ޓިކްޓޮކްގައި ގިނަ ބައެއްގެ ސަމާލުކަން ހޯދައިފައިވާ ވީޑިއޯ ތަކެކެވެ.
ޢަބީރްގެ ވީޑިއޯ ތަކުގައި އެކި ޤައުމުތަކުގެ ކާނާ ކައްކައި ތައްޔާރު ކުރަ ތަން ދައްކައިދެއެވެ. އަދި ވަކި ޤައުމެއްގެ ޚާއްސަ ކެއުމެއް ތައްޔާރު ކުރާނަމަ އެ ޤައުމެއްގެ ރަމްޒު ކޮށްދޭ ހެދުން އަޅައިގެން ކައްކާތަން ދައްކައިދެއެވެ.
ޢަބީރް ގަރުދިޔަ އާއި ބަތް ކައްކާ ވީޑިއޯ އެއް ހަދައި ޕޯސްޓް ކޮށްފައިވަނީ ދިވެއްސެއްގެ އެދުމުގެ މަތިންނެވެ.
އެވީޑީޔޯގައި މަހަކުން ގަރުދިޔަ ކައްކާ ބަތް ކައްކާ ހެދުމަށްފަހު ތައްޓެއްގައި ގަރުދިޔަ އާއި ބަތް އަދި ފިހުނު މަސް ކެއުމަށް ތައްޔާރުކޮށްފައި ވާތަން ދައްކައިދެއެވެ.
އިންސްޓްގްރާމްގައި 3.3 މިލިއަން ފޮލޯވަރުން އަދި ޓިކްޓޮކްގައި 21 މިލިއަން ފޮލޯވަރުން ތިބޭ ޢަބީރް ގެ ވީޑިއޯތައް ޝޫޓް ކުރުމާއި އެޑިޓް ކުރުމުގެ މަސައްކަތް ކުރަނީ އޭނާ އަމިއްލައަށް ކަމަށް އޭނާގެ ޓިކްޓޮކް ވީޑީއޯއެއްގައި ބުނެފައިވެއެވެ.
ޢަބީރްއަކީ އެތައް ބައެއްގެ ލޯތްބާއި ތަރުޙީބު ހޯދާފައިވާ ޓިކްޓޮކް ތަރިއެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
