ސީޕީ ހަމީދު ރައީސް ސޯލިހުއާއި ސަލާންކުރައްވަނީ
ސީޕީ ހަމީދު ރައީސް ސޯލިހުއާއި ސަލާންކުރައްވަނީ
ހަބަރު 01 Sep 2022 | 11:32

މި ސަރުކާރުން ފުލުހުންގެ ޚިދުމަށް ހޯދާދިން ކާމިޔާބީތައް ރަން އަކުރުން ފަވާލަން ޖެހޭ: ސީޕީ

މި ސަރުކާރުން ފުލުހުންގެ ޚިދުމަށް ހޯދައިދިން ކާމިޔާބީތަކަކީ ރަން އަކުރުން ފަވާލަން ޖެހޭ ފަދަ ކާމިޔާބީތަކެއްކަމަށް ކަމިޝަނަރ އޮފް ޕޮލިސް މުހައްމަދު ހަމީދު ވިދާޅުވެއްޖެއެވެ.

ސީޕީ ހަމީދު މިފަދައިން ވިދާޅުވެފައިވަނީ ފުލުހުންގެ ޚިދުމަތުގެ ދުވަސް ފާހަގަކުރުމަށް ބޭއްވި ޚާއްސަ ރަސްމިއްޔާތުގައި ވާހަކަދައްކަވަމުންނެވެ.

އެގޮތުން ސީޕީ ވިދާޅުވީ ފުލުހުންގެ ޚިދުމަތުގެ ފެންވަރު ރަނގަޅު ކުރުމަށާއި، ފުލުހުންނަށް ރައްޔިތުން ކުރާ އިތުބާރު އިތުރުކުރުމަށް މި ސަރުކާރުން ގިނަ ކަންތައްތަކެއް ކަނޑައަޅާފައިވާކަމަށެވެ.

އޭގެ ތެރޭގައި ފުލުހުންނާއި މެދު ހުށައެޅޭ ޝަކުވާތައް ބަލައި އެ މައްސަލަތައް ހައްލުކުރުމާއި، ދިވެހި ފުލުހުންގެ ޚިދުމަތް ރައްޔިތުންނާއި ގާތުން ރައްޔިތުން އެދޭ ގޮތަށް ދިނުމަށް މިސްރާބު ބަދަލުކުރުމަށް ފުލުހުންގެ ޚިދުމަތުގެ އާ ގާނޫނެއް އެކުލަވާލެވިފައިވުމަކީ ފާހަގަކޮށްލެވޭ ކަމެއްކަމަށް ސީޕީ ވިދާޅުވިއެވެ.

ސީޕީ ހަމީދު ވިދާޅުވިގޮތުގައި މިހާރު ފުލުހުންގެ ޚިދުމަތުން އަމާޒު ހިފާފައި ހުރީ ފަންނީ ގޮތުންނާއި އުމްރާނީ ގޮތުން ފުލުހުންގެ ޚިދުމަތް ކުރިއަރާ ދާއިރު، ޑިމޮކްރެޓިކް ވެއްޓެއްގައި ފުލުހުންގެ ޚިދުމަތުގެ މަންފާ ރައްޔިތުންނަށް އެންމެ އެދެވޭ ގޮތެއްގައި ފޯރުކޮށްދިނުމަށެވެ. އަދި ކުށާއި ކުށުގެ ބިރުވެރިކަން ކުޑަކޮށް، ރައްކާތެރިކަން އިހުސާސް ކުރެވޭ ވެއްޓެއް ހޯދާދިނުމަށެވެ.

އެކަމަށްޓަކައި ފުލުހުންގެ ޚިދުމަތުގެ މަރުކަޒުތައް ރާއްޖޭގެ އެކި ސަރަހައްދުތަކުގައި ގާއިމުކުރަމުންދާކަންވެސް ސީޕީ ހަމީދު ވިދާޅުވިއެވެ.

ފުލުހުންގެ އާ ގާނޫނުގެ ދަށުން މުޖުތަމައަށް ދެވޭ ޚިދުމަތުގެ ފެންވަރު ރަނގަޅުކުރުމަށް މާލެއާއި އަތޮޅުތަކުގައި ކޮމިއުނިޓީ ޕޮލިސިންގެ ފަލްސަފާއަށް "އަވައްޓެރި ފުލުހުން"ގެ ޚިދުމަތް ދޭން ފެށުމަށް ބޭނުންވާ ތަމްރީނުތައް ފުލުހުންގެ ޚިދުމަތުގެ މަރުކަޒުތައް ގާއިމުވެފައިހުރި ތަންތަނުގައި ތިބި ފުލުހުންނަށް ދެވިފައިވާ ވާކަމަށާއި، ބައެއް އަތޮޅުތަކުގައި އެ ޚިދުމަތް ފެށިގެން ދިއުމަކީވެސް ޚިދުމަތުގެ ފެންވަރު ރަނގަޅުކުރުމަށް ކުރެވުނު މުހިންމު މަސައްކަތެއްގެ ގޮތުގައި ސީޕީ ހަމީދު ފާހަގަކުރެއްވިއެވެ.

އޭގެ އިތުރުން ސީޕީ ވިދާޅުވީ ފުލުހުންގެ ޚިދުމަތުގެ ފެންވަރު ރަނގަޅުކުރުމަށް، ތައުލީމާއި ތަމްރީނުތައް ފޯރުކޮށްދިނުމަކީ ކޮންމެހެން ކުރަން ޖެހޭކަމެއްކަމަށެވެ. މިހާތަނަށް ކުރެވުނު މަސައްކަތްތަކުން ރަނގަޅު ފެންވަރަކަށް ރައްޔިތުންނަށް ޚިދުމަތް ފޯރުކޮށްދޭ އެތައް ފުލުހުންނެއް އުފެއްދިފައިވާކަމަށާއި، ފުލުހުންނަށް ދެވޭ ތައުލީމާއި ތަމްރީނުތަކުގެ ނަތީޖާތައް އެ މީހުންގެ މަސައްކަތުން ފެންނަމުންދާކަމަށް ސީޕީ ވިދާޅުވިއެވެ.

އެކަން ފާހަގަކުރައްވާ ސީޕީ ވިދާޅުވީ މިހާރު ފުލުހުންނަށް ޒަމާނީ ތައުލީމާއި ތަމްރީނުތައް ދިނުމަށް އައްޑޫ ސިޓީގައި ކޮލެޖެއް ބިނާކުރެވިފައިވާކަމާއި އެއީ، އެޚިދުމަށް ލިބިގެންދިޔަ ބޮޑު ކުރިއެރުމެއްކަމަށެވެ.

ދިވެހި ފުލުހުންގެ ޚިދުމަތުން ހޯދާފައިވާ ކުރިއެރުންތައް ފާހަގަކުރައްވަމުން ސީޕީ ވިދާޅުވީ ފުލުހުންގެ ޚިދުމަތް ޒަމާނާ އެއްގޮތަށް ބައްޓަންކޮށް ރައްޔިތުންގެ އިތުބާރު އޮތް ޚިދުމަތަށް ހެދުމަށް މި ސަރުކާރުން ކުރަމުންދާ މަސައްކަތްތަކުގެ ތެރެއިން ހޯދި ކާމިޔާބީތަކަކީ ރަން އަކުރުން ފަވާލެވިގެންދާނެ ކާމިޔާބީތަކެއްކަމަށެވެ.

"ދިވެހި ފުލުހުންގެ ޚިދުމަތް ޒަމާނާ އެއްގޮތަށް ބައްޓަންކޮށް ރައްޔިތުންގެ އިތުބާރު އޮތް ޚިދުމަތަކަށް ހެދުމަށްޓަކައި ދިވެހި ސަރުކާރުން އިސްކަމެއްދީގެން ކުރައްވަމުން ގެންދަވާ މަސައްކަތުގެ ތެރެއިން ހާސިލްކުރަމުން ގެންދާ ކުރިއެރުންތަކާއި، ނަތީޖާތަކަކީ ފަހުގެ ތާރީހެއްގައި ރަން އަކުރުން ފަވާލެވޭނެފަދަ ކާމިޔާބީތަކެއް" ސީޕީ ވިދާޅުވިއެވެ.

މި ސަރުކާރުން ފުލުހުންގެ ޚިދުމަތް ކުރިއެރުވުމަށް ކުރައްވަމުން ގެންދަވާ މަސައްކަތްތައް ފާހަގަކުރައްވާ ސީޕީ ހަމީދު ވަނީ ރައީސުލް ޖުމްހޫރިއްޔާ އިބުރާހިމް މުހައްމަދު ސޯލިހުއަށް ޝުކުރު އަދާކުރައްވާފައެވެ.

އޭގެ އިތުރުން، މި ޚިދުމަތް ފުޅާކުރުމަށް ހޯމް މިނިސްޓްރީއިން ކުރަމުންދާ މަސައްކަތަށްޓަކައި ސީޕީގެ ވާހަކައިގައިވަނީ ހޯމް މިނިސްޓަރ އިމްރާނު އަބްދުﷲ އަށާއި، ހީވާގިކަމާއެކު ރައްޔިތުންނަށް ޚިދުމަތް ދިނުމަށް މަސައްކަތްކުރަމުންދާ ފުލުހުންގެ ޚިދުމަތުގެ އޮފިޝަލުންނަށްވެސް ސީޕީ ވަނީ ޝުކުރުއަދާކުރައްވާފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ފުލުހެއްގެ ގައިގައި ސައިކަލުން ޖެއްސި މައްސަލާގައި ހައްޔަރުކުރި އެކަކު ފިޔަވައި އެންމެން ދޫކޮށްލައިފި
22 Nov 2026 ހަބަރު

ފުލުހެއްގެ ގައިގައި ސައިކަލުން ޖެއްސި މައްސަލާގައި ހައްޔަރުކުރި އެކަކު ފިޔަވައި އެންމެން ދޫކޮށްލައިފި

ސިނަމާލެ ބްރިޖު ހައިވޭގައި މަގުމަތީގެ ސަލާމަތާއި ރައްކާތެރިކަން ބެލެހެއްޓުމުގެ މަސައްކަތުގައި ހަރަކާތްތެރިވަމުން ދިޔަ ފުލުސް އޮފިސަރެއްގެ ގައިގައި ސައިކަލަކުން ޖައްސައި ބޮޑެތި އަނިޔާތަކެއް ދިން މައްސަލައިގައި ހައްޔަރުކުރި ހަތަރު މީހުންގެ ތެރެއިން އެކަކު ފިޔަވައި ދެން ތިބި އެންމެން ބަންދުން ދޫކޮށްލައިފިއެވެ.