ހުޅުމާލޭ ފަޅުގައި އަޅާފައިއޮތް ސަފާރީތަކެއް.. ފޮޓޯ: ވޮއިސް
ހުޅުމާލޭ ފަޅުގައި އަޅާފައިއޮތް ސަފާރީތަކެއް.. ފޮޓޯ: ވޮއިސް
ހަބަރު 01 Nov 2026 | 14:45

ސަފާރީ ޑައިވަރުންގެ މެދުގައި ހިނގި ހަމަނުޖެހުން އިންސާފުވެރިކަމާއެކު ތަހުގީގުކުރުމަށް އެންބީއޭއެމްއިން ގޮވާލައިފި

މޯލްޑިވްސް ލެޖެންޑް ލައިވްއަބޯޑް އަދި އިންފިނިޓީ އެކްސްގެ ޑައިވިން ޓީމުތަކުގެ މެދުގައި ހިނގި ހަމަނުޖެހުން އިންސާފުވެރިކަމާއެކު ތަހުގީގުކުރުމަށް ނެޝަނަލް ބޯޓިން އެސޯސިއޭޝަން އޮފް މޯލްޑިވްސް (އެންބީއޭއެމް) އިން ގޮވާލައިފިއެވެ.

މީސްމީޑިއާއާއި ބައިނަލްއަގުވާމީ މަންސަތަކުގައި މި ހާދިސާގެ ވީޑިއޯތައް ދައުރުވަމުންދާއިރު، އެންބީއޭއެމްއިން ބުނެފައިވަނީ މިއީ ވަރަށް ނާޒުކު އަދި ސީރިއަސް މައްސަލައެއް ކަމަށާއި، މި މައްސަލަ ވަކި ފަރާތަކަށް ނުޖެހި، ފުރިހަމައަށް ތަހުގީގު ކުރެވެންޖެހޭނެ ކަމަށެވެ. އަދި އެއްވެސް ފަރާތަކުން ގާނޫނާ ހިލާފުވެފައިވާނަމަ ނުވަތަ އިހުމާލުވެފައިވާނަމަ، ދިވެހިރާއްޖޭގެ ގާނޫނުތަކާއި ގަވާއިދުތަކުގެ މަތިން އެކަމަށް ފިޔަވަޅު އަޅަންޖެހޭނެ ކަމަށް އެ އެސޯސިއޭޝަނުން ފާހަގަކުރެއެވެ.

މި ހާދިސާއާ ގުޅިގެން ދިވެހި ބޯޓިން އަދި ޑައިވިން އިންޑަސްޓްރީގެ އެތެރޭގައި އެކަކު އަނެކަކަށް ތުހުމަތުކުރުމާއި، ގޮތް ނިންމުމުން ދުރުހެލިވުމަށް އެންބީއޭއެމްއިން ވަނީ އިލްތިމާސްކޮށްފައެވެ. ކަމުގެ ހަގީގަތް އެނގޭނީ ސާބިތު ހެކީގެ މައްޗަށް ބިނާކޮށް ހިންގޭ އިންސާފުވެރި ތަހުގީގަކުން ކަމަށްވާއިރު، ވަކިވަކި ފަރުދުންގެ އަމަލުތަކުގެ ސަބަބުން މުޅި ދިވެހިރާއްޖޭގެ ޑައިވިން އަދި ބޯޓިން ދާއިރާގެ އަބުރަށް އުނިކަން އަންނަ ގޮތަށް ވާހަކަދެއްކުމަކީ ގަބޫލުކުރެވޭނެ ކަމެއް ނޫން ކަމަށްވެސް ބުނެފައިވެއެވެ. މި މައްސަލައިގައި މޯލްޑިވްސް ޕޮލިސް ސާވިސްއާއި މިނިސްޓްރީ އޮފް ޓޫރިޒަމްގެ އިތުރުން ކަމާބެހޭ އެންމެހައި އިދާރާތަކުން ހާމަކަން ބޮޑު ގޮތެއްގައި މި ހާދިސާގެ ހަގީގަތް ހޯދުމަށް އެންބީއޭއެމްއިން ވަނީ ގޮވާލާފައެވެ.

މީގެއިތުރުން، ދިވެހިރާއްޖޭގެ ކަނޑުފަޅުތަކުގައި ބޭރުގެ ފަރާތްތަކުން ވިޔަފާރިކުރުމުގައި ދިވެހިންގެ ހަގީގީ ބައިވެރިވުމެއް ނެތި، ހަމައެކަނި ކުންފުނި ރަޖިސްޓްރީކޮށްގެން ހިންގަމުންދާ އުޅަނދުތަކާމެދު އުފެދިފައިވާ ކަންބޮޑުވުންތައް އެންބީއޭއެމްއިން ވަނީ ތަކުރާރުކޮށްފައެވެ. އެގޮތުން، އިންފިނިޓީ އެކްސް އަކީ ކުރިން ބޭރުގެ އުޅަނދެއްގެ ގޮތުގައި ހިންގުމަށްފަހު، ގަވާއިދަށް އައި ބަދަލުތަކާއެކު ރާއްޖޭގައި ރަޖިސްޓްރީކޮށްފައިވާ ކުންފުންޏަކަށް ބަދަލުކޮށްފައިވާ އުޅަނދެއްކަން ފާހަގަކޮށް، އެފަދަ އުޅަނދުތަކުގެ ހަގީގީ މިލްކުވެރިކަމާއި އޮޕަރޭޝަނަލް ކޮންޓްރޯލް އޮތް ގޮތް ކަމާބެހޭ ފަރާތްތަކުން ބަލައި ފާސްކުރަންޖެހޭ ކަމަށް އެސޯސިއޭޝަނުން ބުނެއެވެ.

އޭގެ އިތުރުން، އިންފިނިޓީ އެކްސް އާ ގުޅޭގޮތުން ޓޫރިޒަމް މިނިސްޓްރީގެ ރަސްމީ ދަފްތަރުގައިވާ މައުލޫމާތާއި ބައިނަލްއަގުވާމީ ބުކިން ޕްލެޓްފޯމްތަކުގައި ޝާއިރުކޮށްފައިވާ މައުލޫމާތުގައި ބޮޑެތި ފަރަގުތަކެއް ހުރިކަން އެންބީއޭއެމްއިން ވަނީ ފާހަގަކޮށްފައެވެ. ޓޫރިޒަމް މިނިސްޓްރީގެ ދަފްތަރުގައި ގޯލޯ މޯލްޑިވްސް ޕްރައިވެޓް ލިމިޓެޑްގެ ދަށުން ރަޖިސްޓްރީކޮށްފައިވާ އިންފިނިޓީ އެކްސްގައި 20 ކޮޓަރިއާއި 40 އެނދު އިން ކަމަށް ބަޔާންކޮށްފައިވީ ނަމަވެސް، ލައިވްއަބޯޑް.ކޮމް ފަދަ ވެބްސައިޓްތަކުގައި އިޝްތިހާރުކޮށްފައިވަނީ 19 ކެބިންއާއެކު އެންމެ ގިނަވެގެން 30 ފަތުރުވެރިން އުފުލޭނެ ކަމަށެވެ. މިފަދަ އޮޅުންބޮޅުންތަކުގެ ހަގީގަތް ސާފުކޮށް، ސަލާމަތީ ގަވާއިދުތަކަށް އުޅަނދުތަކުން ހުރުމަތްތެރިކޮށް ހިތާކަން ކަށަވަރުކުރުމަށް އެންބީއޭއެމްއިން ވަނީ އެދިފައެވެ.

އެންބީއޭއެމްއިން އިތުރަށް ބުނެފައިވަނީ، ދިވެހި ބޯޓިން އިންޑަސްޓްރީއަކީ ދިވެހި ވިޔަފާރިވެރިންގެ ބުރަ މަސައްކަތުން ބިނާކޮށްފައިވާ ދާއިރާއަކަށްވުމުން، ގަވާއިދުތަކުގެ ނާޖާއިޒު ފައިދާ ނަގައިގެން ހިންގާ ނުވަތަ ވާދަވެރިކަން ގެއްލޭފަދަ ވިޔަފާރިތަކުން ދިވެހި ވިޔަފާރިތައް ހިމާޔަތްކުރަންޖެހޭ ކަމަށެވެ. ރާއްޖެއަކީ ރައްކާތެރި ޑައިވިން މަންޒިލެއްގެ ގޮތުގައި އޮތް ނަން ދެމެހެއްޓުމަށާއި، ދާއިރާގެ ރައްކާތެރިކަމާއި ފެންވަރު މަތިކުރުމަށް ސަރުކާރުގެ ކަމާބެހޭ އިދާރާތަކާއެކު ގާތުން މަސައްކަތްކުރުމަށް އެންބީއޭއެމްއިން އަބަދުވެސް ތައްޔާރަށް އޮތްކަން އެ އެސޯސިއޭޝަނުން ވަނީ ހާމަކޮށްފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ފުލުހެއްގެ ގައިގައި ސައިކަލުން ޖެއްސި މައްސަލާގައި ހައްޔަރުކުރި އެކަކު ފިޔަވައި އެންމެން ދޫކޮށްލައިފި
22 Nov 2026 ހަބަރު

ފުލުހެއްގެ ގައިގައި ސައިކަލުން ޖެއްސި މައްސަލާގައި ހައްޔަރުކުރި އެކަކު ފިޔަވައި އެންމެން ދޫކޮށްލައިފި

ސިނަމާލެ ބްރިޖު ހައިވޭގައި މަގުމަތީގެ ސަލާމަތާއި ރައްކާތެރިކަން ބެލެހެއްޓުމުގެ މަސައްކަތުގައި ހަރަކާތްތެރިވަމުން ދިޔަ ފުލުސް އޮފިސަރެއްގެ ގައިގައި ސައިކަލަކުން ޖައްސައި ބޮޑެތި އަނިޔާތަކެއް ދިން މައްސަލައިގައި ހައްޔަރުކުރި ހަތަރު މީހުންގެ ތެރެއިން އެކަކު ފިޔަވައި ދެން ތިބި އެންމެން ބަންދުން ދޫކޮށްލައިފިއެވެ.