ޕާކިން މައްސަލަ އަށް އޮތް ހައްލަކީ ޖޫރިމަނާ ކުރުމެއް ނޫން: ޑރ. މުޢިއްޒު
މާލެ ސިޓީ އަށް ދިމާވެފައިވާ ޕާކިން މައްސަލައަށް އޮތް ހައްލަކީ ޖޫރިމަނާ ކުރުން ނޫން ކަމަށް މާލެ ސިޓީ މޭޔަރ ޑރ މުހައްމަދު މުއިއްޒު ވިދާޅުވެއްޖެއެވެ.
މިރޭ ކުރިއަށްދާ މާލެ ސިޓީ ކައުންސިލްގެ ރައްޔިތުންގެ ބައްދަލުވުމުގައި ވާހަކަ ދައްކަވަމުން ޑރ މުއިއްޒު ވިދާޅުވީ މާލެ ކާރުބާރު ބޮޑުވާ އެއް މައްސަލައަކީ ޕާކިން މައްސަލަ ކަމަށެވެ. އަދި ރައްޔިތުންގެ އުޅަނދުތައް ޕާކުކުރާނެ ގޮތެއް ނެތުން ކަމަށެވެ. މިކަމުގެ ސަބަބުން އޮފީސްތަކަށް ހޮސްޕިޓަލް ތަކަށް އަދި ނަމާދަށް ވަގުތައް ދިއުން ފަދަ ކަންކަމަށް ދަތިވާ ކަމަށް މުއިއްޒު ވިދާޅުވިއެވެ.
އަދި ޕާކުކުރާ ތަންތަނުގެ ތޮއްޖެހުން ބޮޑު ކަމުން ރައްޔިތުންގެ އަގުބޮޑު ވެހިކަލްތަކަށް ގެއްލުން ވާކަން މުއިއްޒު ފާހަގަކުރެއްވިއެވެ. މަރާމާތައް އެތައް ހަރަދެއް ހިނގާކަމަށް މުއިއްޒު ފާހަގަ ކުރެއްވެވިއެވެ. އަދި ޕާމިކަމުގެ ހައްލަކީ ރައްޔިތުން ޖޫރިމަނާކުރުން ނޫން ކަމަށް މުއިއްޒު ވިދާޅުވިއެވެ.
"ހައްލަކީ ޕާކު ކުރެވޭނެ އިންތިޒާމް ހަމަޖެއްސުން" ޑރ މުއިއްޒި ވިދާޅުވިއެވެ.
އަދި މާލެ ސިޓީ ކައުންސިލުން ވަނީ މިކަމާއި ގުޅިގެން ކުރަން ޖެހޭ ހުރިހާ ދިރާސާ އެއް ކޮށް ނިންމައި 8 ޕާކިންގ ބިލްޑިންގް ބިނާކުރަން ކުރަން ޖެހޭ ހުރިހައި މަސައްކަތެއް ކޮށް ނިންމާފައި ކަމަށް ޑރ މުއިއްޒު ވިދާޅުވިއެވެ.
"ރައްޔިތުން ނަށް މިހިތް ފަސޭހަކަން ހޯދައި ދިނުމަށް ވެސް އަޅުގަނޑުމެނަށް ބޭނުންވަނީ ހަމަ އެކަނި ސަރުކާރުގެ ހުއްދަ، އެހެން ކަމުން މާލޭގެ ޕާކިން މައްސަލަ ހައްލުކުރަން މާލެ ސިޓީ ކައުންސިލުން އިމާރާތްކުރަން ފަރުމާކޮށްފައިވާ 8 ޕާކިންގ ބިލްޑިންގ އަޅަން ސަރުކާރުން އެއްބާރުލުން ދެއްވަން ސަރުކާރަށް ތަކުރާރުކޮށް ގޮވާލަން" މޭޔަރު ވިދާޅުވިއެވެ.
ގަރާޖު ސިޓީގެ ނިޒާމް އުވާލުމަށް ވެސް މުއިއްޒުގެ ވާހަކަގައި ގޮވާލެއްވިއެވެ. އަދި ޕާކިން މައްސަލައިގައި ޖޫރިމަނާ ކޮށްފައިވާ ރައްޔިތުންގެ ޖޫރިމަނާ މިހާރުން މިހާރަށް މަޢާފުކޮށްދެއްވުމަށް ވެސް މުއިއްޒު ސަރުކާރަށް ގޮވާލިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
