ކ. އަތޮޅު ކައުންސިލްގެ ގުރުއާން މުބާރާތުގެ 1 ވަނަ ގާފަރު ސުކޫލް!
މާލެއަތޮޅު އަތޮޅު ކައުންސިލްގެ 11 ވަނަ ޤުރުއާން ކިޔެވުމުގެ މުބާރާތުގެ އެއްވަނަ ސުކޫލަކަށް ކ. ގާފަރު ސުކޫލް ހޮވިއްޖެއެވެ.
ސެޕްޓެމްބަރު 29 އިން އޮކްޓޯބަރ 1 ވަނަ ދުވަހަށް ކުރިއަށް ދިޔަ މި ގުރުއާން މުބާރާތުގެ ނަތީޖާ ފާޅުކުރުން އިއްޔެ ކުރިއަށް ދިޔައިރު އެ ޖަލްސާ ޝަރަފުވެރި ކޮށްދެއްވީ އައްޝައިހް މުހައްމަދު އަފްޒަލެވެ.
މުބާރާތުގެ 1 ވަނަ ގާފަރު ސުކޫލް ހޯދާފައި ވަނީ، އެ އަތޮޅުގެ ޖުމުލަ ނުވަ ރަށެއްގެ ސުކޫލާއި ވާދަކޮށެވެ. ކ. ގުރައިދޫގައި ކުރިއަށްދިޔަ މި މުބާރާތުގެ ދެވަނަ ސުކޫލަކަށް ކ. މާފުށީ ސްކޫލް ހޮވިފައިވާ އިރު، ތިންވަނަ ސުކޫލަށް ހޮވިފައިވަނީ ކ. ހިންމަފުށީ ސްކޫލެވެ.
ވަނަ ވަނަ އަށް އައި ސުކޫލުތަކުގެ އިތުރުން، މުބާރާތުން ވަނަވަނަ އަށް ދަރިވަރުންނަށް ވެސް ވަނީ އިނާމާއި ހަދާނީ ލިޔުން ހަވާލުކޮށްފައެވެ.
މުބާރާތުން ވަނަވަނަ އަށް އައި ދަރިވަރުން:
• މުޅި މުބާރާތުން ނުބަލާ ކިޔެވުމުގެ ގޮފިން 01 ވަނަ : އާލް މުހައްމަދު ނިޔާޒް / ކ.ގުރައިދޫ ސްކޫލް
• މުޅި މުބާރާތުން ބަލައިގެން ކިޔެވުމުގެ ގޮފިން 01 ވަނަ: އައިޝަތު އިޝްފާއު އިސްހާޤް / ކ. ހުރާ ސްކޫލް
• މުޅި މުބާރާތުން 01 ވަނަ: އައިޝަތު އިޝްފާއު އިސްހާޤް / ކ. ހުރާ ސްކޫލް
ޖަލްސާގައި ވާހަކަ ދައަކަވަމުން މުބާރާތުގެ އިސް ފަނޑިޔާރު، އަލްޤާރީ ހަސަން ތަޢުފީޤް ވަނީ ދަތިވަރުންގެ ކިޔެވުމަށް ތަޢުރީފް ކުރައްވައި ދަރިވަރުންނަށް ހިތްވަރުލައިދެއްވާފައެވެ.
އަދި ކ. ގުރައިދޫ ކައުންސިލްގެ ރައީސް ހުސައިން ޔާމީން މުހައްމަދު ވަނީ، މި ފަދަ މުބާރާތެއް ކާމިޔާބު ކަމާއެކީ ކުރިއަށްގެންދިއުމަށްޓަކައި ދަރިވަރުންނާއި ބެލެނިވެރިންގެ އިތުރުން ޓީޒަރުން ކޮށްދެއްވާ ބުރަ މަސައްކަތް ފާހަގަކޮށް، މި މުބާރާތުގެ އިންތިޒާމްތައް ހަމަޖެއްސި ކާށިދޫ ކައުންސިލަށް ޝުކުރު އަދާކުރައްވާފައެވެ.
މި މުބާރާތުގައި ޤުރުއާން ކިޔެވުމުގެ ޤައުމީ މުބާރާތަށް ނޮމިނޭޓްވި ދަރިވަރުން ހޮވާފައިވާއިރު، 18 ދަރިވަރަކުވަނީ ޤައުމީ މުބާރާތައް ނޮމިނޭޓް ވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
