އައްޑޫ ހިތަދޫއިން މީހަކު ގެއްލިގެން ހޯދަން ފަށައިފި
އައްޑޫ ސިޓީ ހިތަދޫއިން މީހަކު ގެއްލިގެން ފުލުހުން ހޯދަން ފަށައިފިއެވެ.
ފުލުހުން ވަނީ އެ މީހާގެ ވަނަވަރު ހާމަކޮށްފައެވެ.
އެގޮތުން ގެއްލިގެން ހޯދަމުންދަނީ އުބައިދުﷲ ހަސަން ނަމަކަށް ކިޔާ އުމުރުން 28 އަހަރުގެ ފިރިހެނެއްކަމަށް ފުލުހުންވަނީ ބުނެފައެވެ.
އެމީހާ ގެއްލިގެން ފުލުހަށް ރިޕޯޓުކޮށްފައިވަނީ ސެޕްޓެމްބަރު މަހުގެ 29 ވަނަ ދުވަހުގައެވެ.
އެހެން ނަމަވެސް އޭނާ ގެއްލިފައިވަނީ ސެޕްޓެމްބަރު މަހުގެ 27 ވަނަ ދުވަހުގެ 8:00 ހާއިރު ކަމަށާއި، އެންމެ ފަހުން ފެނުނު އިރު ލައިގެން ހުރީ ސޯޓަކާއި ޓީޝާޓެއްކަމަށް ފުލުހުން ވަނީ ބުނެފައެވެ.
ގެއްލިގެން ހޯދާ މި މީހާ އާއި ބެހޭ އެއްވެސް މައުލޫމާތެއް އެނގޭ ބޭފުޅެއް ހުރިކަމަށް ވާަނަމަ ލަސްނުކުރައްވާ އައްޑޫ ސިޓީ ހިތަދޫ ޕޮލިސް ސްޓޭޝަން ނަންބަރު 9791612 އަށް ގުޅުއްވައި މައުލޫމާތު ދެއްވުމަށް ފުލުހުން ވަނީ އެދިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
