ދިމިޝްޤުގައި ބޮމެއް ގޮއްވާލައިފި
ސީރިޔާގެ ދިމިޝްޤުގައި މެއްޒޭގައި ކާރެއްގައި ބޮމެއް ހަރުކޮށް ގޮއްވާލައިފިއެވެ.
ސީރިޔާ ފުލުހުންގެ ފަރާތުން މައުލޫމާތު ދިން އޮފިސަރަކު ބުނެފައިވަނީ މި ބޮމުގެ ހަމަލާއާއި ގުޅިގެން އެކަކަށް އެކިވަރުގެ އަނިޔާ ލިބިފައި ވެއެވެ. އަދި އެއްވެސް މީހަކު މަރުވެފައެއް ނުވެއެވެ. ހަމަލާގެ ޒިންމާ މިހާތަނަށް އެއްވެސް ޖަމާޢަތަކުން ނަގައިފައެއް ނުވެއެވެ.
ސަންނާ ގައި ބުނެފައިވަނީ މިހާދިސާ ހިނގާފައިވަނީ މީހުން ގިނައިން އެއްވާ ކާރޫބާރޫ ބޮޑު ސަރަހައްދެއްގައި ކަމަށެވެ. މި ހާދިސާ ހިނގާފައިވަނީ އަމިއްލަ މީހެއްގެ ކާރެއްގައި ބޮން ހަރުކޮށްގެން ކަމަށާއި ބޮން ގޮއްވާލުމުގެ ސަބަބުން ކައިރީގައި ޕާކް ކޮށްފައިހުރި އެހެން ބައެއް ވެހިކަލް ތަކަށް އެކިވަރުގެ ގެއްލުން ވެފައިވަކަމަށް އަލްޖަޒީރާގައި ބުނެފައިވެއެވެ.
މަންޒަރުދުށް މީހަކު ބުނެފައިވަނީ ބޮން ގޮވާފައިވަނީ ގިނަ ޢަދަދަކަށް މީހުން ވަދެ ހަދާ ރެސްޓޯރެންޓެއް ކައިރީގައި ކަމަށެވެ.
މެއްޒޭ އަކީ ގިނަ ސަރުކާރުގެ ގިނަ ޢަދަދެއްގެ އޮފިޝަލުން ނާއި ޔޫއެންގެ ގިނަ އެމްބަސަޑަރުންތަކެއްގެ އޮފީސްވެސް ހުންނަ ސަރަހައްދެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
