ބްރިޖުމަތީގައި އާރުޓީއެލް ބަހަކާއި ކާރެއް ޖެހި އެކްސިޑެންޓު ވެއްޖެ!
ހުޅުމާލޭގައި ހިނގި ނުރައްކާތެރި އެކްސިޑެންޓެއްގައި މީހަކު ނިޔާވިތާ 24 ގަޑިއިރުވެސް ނުވަނީސް އާރުޓީއެލް ބަހަކާއި ކާރެއް ޖެހި ސިނަމާލެ ބްރިޖުމަތީގައި އެކްސިޑެންޓެއް ހިނގައިފި އެވެ.
މީގެ ކުޑައިރުކޮޅެއް ކުރިން ހިނގި މި އެކްސިޑެންޓުގެ ސަބަބުން ބްރިޖުމަތީގައި ވަނީ ވަރަށް ބޮޑަށް ޓްރެފިކް ކާރުބާރު ބޮޑުވެފައެވެ.
މި އެކްސިޑެންޓާއި ގުޅިގެން ފުލުހުން ވިދާޅުވީ، އެކްސިޑެންޓްގެ މައުލޫމާތު އެ އިދާރާއަށް ލިބުނީ މިރޭ 21:57 ގައި ކަމަށެވެ. އަދި މިއެކްސިޑެންޓާއި ގުޅިގެން އެއްވެސް މީހަކަށް ގެއްލުންލިބިފައި ނުވާ ކަމަށާ މި މައްސަލަ އާއި ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށެވެ.
ބްރިޖުމަތީގައި އެކްސިޑެންޓެއް ހިނގާފައިވާއިރު ހުޅުމާލޭ ދެވަނަ ފީޔަވަހީގައި ޕިކަޕަކާއި ސައިކަލެއް ޖެހި ނުރައްކާތެރި އެކްސިޑެންޓެއް ވަނީ ހިންގާފައެވެ.
މިއަދުގެ 9:56 ހާއިރު ހިނގި އެ އެކްސިޑެންޓުގައި އަނިޔާވި 59 އަހަރުގެ ދިވެހި ފިރިހެނަކު ވަނީ ނިޔާވެފައެވެ.
އޭގެ އިތުރުން ރޭ ދަންވަރުވެސް ހުޅުމާލޭ ދެވަނަ ފިޔަވަހީގައި ނުރައްކާތެރި އެކްސިޑެންޓެއް ވަނީ ހިނގާފަ އެވެ. އަދި އެ އެކްސިޑެންޓްގައި އަނިޔާވި އެކަކުގެ ހާލު ސީރިއަށް ކަމަށް ފުލުހުން މައުލޫމާތު ދެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
