އިޚްލާސްތެރިކަމެއް ހުރިނަމަ ވިލިމާލޭގެ ޢިމާރާތްތައް އުސްކުރަން މިހާރުވެސް ހުއްދަދޭނެ: އުޝާމް

ސަރުކާރުގެ އިޚްލާސްތެރި ކަމެއް ހުރިނަމަ މިލިމާލޭގެ ޢިމަރާތްތައް މާލެގެ ޢިމާރާތްތަކާއި އެއްވަރަށް އުސްކުރަން މިހާރުވެސް ހުއްދަ ދޭނެ ކަމަށް ވިލިމާލެ ދާއިރާގެ މަޖިލިސް މެމްބަރު އަޙްމަދު އުޝާމް ވިދާޅުވެއްޖެއެވެ.

އުޝާމް މިހެން ވިދާޅުވީ އެމްޑީޕީ ކޯލިޝަންގެ "އުފާވެރި މާލެ" މެނިފެސްޓޯގެ ފެންވަރު ރަނގަޅު ދިރިއުޅުން ސިޔާސަތުގެ ދަށުން ވިލިމާލޭގައި މާލެއެކޭ އެއްގޮތައް ޢިމާރާތްތައް އުސްކުރުމަށް ހުއްދަދޭނެ ކަމަށް ބުނެފައި އޮތުމުން އެކަމަށް ފާޑު ކިޔުއްވަމުންނެވެ.

"މިހާރުވެސް އެހުއްދަ ދޭންވީ ނޫންތޯ؟ ވިލިމާލޭގެ ރައްޔިތުން މިކަމަށް އެދޭތާ އެތަކެއް އަހަރެއް ވެއްޖެ" އުޝާމް ވިދާޅުވެފައިވެއެވެ.

އުޝާމް ވިދާޅުވީ ހައުސިންގ މިނިސްޓްރީގައި އެތައްފަހަރަކު އެކަމަށް އެދެވުނު ކަމަށެވެ. ނަމަވެސް ކޮންމެ ފަހަރަކުވެސް ދޭ ޖަވާބަކީ އެއީ މި ސަރުކާރުގެ ސިޔާސަތެއް ނޫންކަމަށް ބުނެ ދޭ ޖަވާބުކަމަށް އުޝާމް ވިދާޅުވެފައިވެއެވެ.

"އިޚްލާސްތެރިކަމެއް ހުރިނަމަ މިހާރުވެސް ތިހުއްދަ ދޭންވީ" މެމްބަރު އުޝާމް ވިދާޅުވެފައިވެއެވެ.