ބެންކޮކްގެ މޯލް އެއްގައިދިން ބަޑީގެ ހަމަލާތަކެއްގައި ދެމީހަކު މަރުވެއްޖެ
ތައިލެންޑްގެ ވެރިކަންކުރާ ބެންކޮކްގެ ލަގްޒަރީ މޯލް އެއްގައި ދިން ބަޑީގެ ހަމަލާތަކެއްގައި ދެމީހަކު މަރުވެއްޖެއެވެ.
މިހާދިސާ ހިނގައިފައިވަނީ މުޅި އޭޝިޔާ ބައްރުންވެސް އެންމެ ގިނަ މީހުން ޒިޔާރަތް ކުރާކަމަށް ރިކޯޑް ކުރެވިފައިވާ މޯލް ކަމަށްވާ ސިއަމް ޕެރަގޮމް މޯލް ގައެވެ. ހާދިސާގައި މަރުވެފައިވަނީ ޗައިނާގެ މީހަކާއި މިޔަންމާގެ މީހެއް ކަމަށް ބީބީސީ ގައި ބުނެފައިވެއެވެ.
ތައިލެންޑް ޕޮލިހުން ބުނެފައިވަނީ ބަޑީގެ ހަމަލާތައް ދީފައިވަނީ އުމުރުން 14 އަހަރުގެ ކުއްޖެއް ކަމަށެވެ.
އަދި އަތު ބަޑިއެއް ބޭނުންކޮށްގެން ހަމަލާދިން މި 14 އަހަރުގެ ކުއްޖާ ވަނީ ޕޮލިހުންނަށް އަމާން ދީފައެވެ. އެއާއި އެކު ޕޮލިހުން ވަނީ އޭނާ ހައްޔަރު ކޮށްފައެވެ.
މިހަމަލާތަކުގައި މަރުވި ދެމީހުންގެ އިތުރުން އިތުރު ފަސް މީހަކަށް ވަނީ އެކިވަރުގެ އަނިޔާތައް ލިބިފައެވެ.
ތައިލެންޑްގެ ބޮޑުވަޒީރު ސްރެއްތާ ތަވިސިން ވިދާޅުވެފައިވަނީ އެމޯލްގައި ހިނގައިދިޔަ އެހާދިސާ އަށް ތައިލެންޑް ފުލުހުން ވަގުތުން ހާޒިރުވެ އެތަނުގް ހާލަތު ޢާންމު ހާލަތަށް ގެނެސްފައިވާ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
