ބަގީއާއި އެކު މޫދަށް ވެއްޓުނު މީހާ ނިޔާވެއްޖެ!
ބަގީ އާއެކު މޫދަށް ވެއްޓިގެން އޭޑީކޭގައި ފަރުވާދެމުން ދިޔަ އަންހެން މީހާ ރޭގެ ވަގުތެއްގައި ނިޔާވެފައިވާ ކަމަށް ފުލުހުން ބުނެފިއެވެ.
ބ އަތޮޅު ރިސޯޓެއްގައި މަސައްކަތްކުރާ މުވައްޒަފަކު އެ ރިސޯޓްގެ ޖެޓީ މަތިން ބަގީ ދުއްވުމުގެ ތެރޭގައި ބަގީއާއެކު މޫދަށް ވެއްޓިފައިވާ ކަމަށް އޮކްޓޯބަރ މަހުގެ 30 ވަނަ ދުވަހު 23:10 އެހާކަންހާއިރު ފުލުހުންނަށް ރިޕޯޓްކޮށްފައިވާ ކަމަށް ފުލުހުން އިއްޔެ ބުނެފައިވެއެވެ.
އަދި ބަގީ އާއި އެކު މޫދަށް ވެއްޓިގެން އަނިޔާވެފައިވަނީ 26 އަހަރުގެ މޮރޮކޯ އަންހެނަކަށް ކަމަށްވެސް ފުލުހުން ބުންޏެވެ.
އެކަމާއި ގުޅޭގޮތުން މައުލޫތު ދެއްވަމުން ފުލުހުން މިއަދު ބުނީ، ބަގީ ދުވަމުންދަނިކޮށް މޫދަށް ވެއްޓުނު މީހާއަށް ފަރުވާ ދެމުން ދަނިކޮށް ރޭގެ ވަގުތެއްގައި ނިޔާވެފައިވާ ކަމަށް އޭޑީކޭ ހޮސްޕިޓަލުން މައުލޫތު ދީފައިވާ ކަމަށެވެ.
އަދި އެ ހާދިސާ ހިނގުމުގައި ތުހުމަތުކުރެވޭ އެއްވެސް ކަމެއް ހިނގާފައިވާ ކަމެއް މިހާތަނަށް ބެލި ބެލުމުން ފާހަގަކުރެވިފައި ނުވާކަމަށްވެސް ފުލުހުން ބުންޏެވެ. މި ހާދިސާ އާއި ގުޅިގެން ބަލަންޖެހޭ ކަންކަން އަދިވެސް ފުލުހުން ބަލަމުންދާ ކަމަށްވެސް ފުލުހުން ބުނެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
