މީހުންނަށް ދައްކަން ޖެހޭ އެންމެ ގިނަ ފައިސާ ނުދައްކާ އޮތީ ދައުލަތުން: އަލީ ހުސެއިން
މީހުންނަށް ދައްކަން ޖެހޭ ގިނަ އަދަދެއްގެ ފައިސާ ދައުލަތުން ނުދައްކާ އޮތްކަމަށް މަޖިލީހުގެ ކެންދޫ ދާއިރާގެ މެމްބަރު އަލީ ހުސެއިން ވިދާޅުވެއްޖެއެވެ.
އަލީ ހުސެއިން މިފަދައިން ވިދާޅުވެފައި ވަނީ ޖޫރިމަނާ އަދަބު ކަނޑައަޅާފައިވާ މީހުންގެ ތެރެއިން، ޖޫރިމަނާ ފައިސާ ނުދައްކާ މީހުންގެ މައުލޫމާތު ހޯދައި ކޯޓަށް ހުށަހެޅުމުގެ މަސައްކަތް ޕްރޮސެކިއުޓާ ޖެނެރަލް އޮފީސް (ޕީޖީ) އޮފީހުން ފެށުމާއި ގުޅިގެން އެކަމަށް ފާޑުވިދާޅުވެ ކުރެއްވި ޓްވީޓެއްގައެވެ.
އަލީ ހުސެއިން ކުރެއްވި ޓްވީޓުގައި ވިދާޅުވީ ދައުލަތުން މީހުން ލައްވާ މަސައްކަތް ކުރުވުމަށް ފަހު ފައިސާ ނުދީ 8 މަހަށް ވުރެ ގިނަ ދުވަސް ވާކަމަށް ވިދާޅުވެފައެވެ. އަދި އެފަދަ ހާލަތްތަކުގައި އަދަބު ދީ ޖަލަށް ލާނީ ކާކުތޯވެސް އަލީ ހުސެއިން ވަނީ ސުވާލުކުރައްވާފަ އެވެ.
އެއާއެކު އަލީ ހުސެއިން ވިދާޅުވީ މީހުންނަށް ދޭން ޖެހޭ އެންމެ ގިނަ ފައިސާ ނުދައްކާ އޮތީ ދައުލަތުން ކަމަށެވެ.
ޖޫރިމަނާ ފައިސާ ނުދައްކާ މީހުންގެ މައުލޫމާތު އެއްކުރުމުގެ މަސައްކަތް ޕީޖީ އޮފީހުން ފަށާފައިވާއިރު، އެފަދަ މީހުންގެ މައްޗަށް އަލުން ޖަލު ހުކުމް ނުވަތަ ޖޫރިމަނާއަށްވުރެ ބުރަ އަދަބެއް ކަނޑައެޅޭނެކަމަށް ވެސް ޕީޖީ އޮފީހުން ވަނީ ބުނެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
