ނެދަލޭންޑްސް އަށް އަމާޒުވާ ފާޑުކިޔުންތަކަށް ވެންހާލް ބީރު ކަންފަތެއް!

މިފަހަރުގެ ވާރލްޑް ކަޕް ކާމިޔާބުކުރުމަށް ކުރާ މަސައްކަތަށް އެއްވެސް މަޑު ޖެހުމެއް ނާންނާނެކަމަށާއި އަމާޒުވާ ފާޑުކިޔުންތަކަށް ފަރުވާލެއް ނެތް ކަމަށް ނެދަލަންޑްސްގެ ކޯޗް ލުއި ވެންހާލް ބުނެފިއެވެ.

މުބާރާތުގެ ގަދަ 16 ބުރުގައި މިރޭ އެމެރިކާ އާއި ދެކޮޅަށް ކުޅޭ މެޗުގެ ކުރިން ވާހަކަދައްކަމުން ވެން ހާލް ވަނީ ޓީމުގެ ދިފާއުގައި ގިނަ ވާހަކަތަކެއް ދައްކާފައެވެ.

މުބާރާތުގެ ދެވަނަ ބުރުން ނެދަލަންޑްސް ޖާގަހޯދީ ގްރޫޕް އޭނާގައި އެޓީމް ސެނެގާލް އާއި ގަތަރާއި ބައްދަލުކުރި މެޗް 2-0 އިން ކާމިޔާބުކޮށް އަދި އެކުއެޑޯ އާއި ބައްދަލުކުރިމެޗް 1-1 އިން އެއްވަރު ކޮށްގެންނެވެ. މި ދެ މެޗުގައި ވެސް ނެދަލަންޑްސްގެ ފަރާތުން އާންމުކޮށް އެޓީމުން ފެނިގެންދާ އެޓޭކިންގ ފުޓްބޯޅަ ނުފެންނަކަމުގެ ފާޑުކިޔުން ވަރަށް ބޮޑަށް އަމާޒުވިއެވެ.

ވެން ހާލް ބުނީ 2014 ވަނަ އަހަރުގައި ވެސް ހަމަ މިގޮތަށް ބަޔަކު ފާޑުކިޔަމުން ދުވި ކަމަށާއި އޭރާއި މިހާރު ވަކި ތަފާތެއް ނެތް ކަމަށެވެ. މިހާރު މި ފާޑުކިޔުންތަކަށް މާބޮޑު ސަމާލުކަމެއް ނުދޭ ކަމަށާއި އޭނާގެ ކުޅުންތެރިންވެސް މިހާރު މިކަމަށް ހޭނިފައިވާ ކަމަށެވެ.

އެމެރިކާ އާއި ދެކޮޅަށް ކުޅޭ މެޗާިއ ގުޅޭގޮތުން ވެން ހާލް ބުނީ މިފަހަރުގެ އެމެރިކާ ޓީމު ތަފާތު ކަމަށާއި ކުޅެން ޖެހޭނީ ވަރަށް ބޮޑަށް ވިސްނައިގެން ކަމަށެވެ. އަދި އެއީ ނެދަލަންޑްސް އަށް ބަލި ނުކުރެވޭ ފެންވަރުގެ ޓީމެއް ނޫން ކަމަށެވެ.

ފީފާ ވޯލްޑްކަޕްގެ 2022 ގެ ގަދަ ސޯޅައިގެ ފުރަތަމަ މެޗުގައި ނެދަލޭންޑްސް އާއި އެމެރިކާ ބައްދަލުކުރާ މެޗު ކުޅޭނީ ރާއްޖެގަޑިން މިރޭ 20:00 ގައެވެ.