މަޖިލިސް އިންތިޙާބުގައި ޘަޤީފް ވާދަކުރަނީ
މޯލްޑިވްސް މީޑިޔާ ކައުންސިލް (އެމްއެމްސީ) ގެ ކުރީގެ ނައިބު ރައީސް ޙުސައިން ޘަޤީފް، ރައްޔިތުންގެ މަޖިލިސް އިންތިޙާބުގައި ވާދަކުރަން ނިންމައިފި އެވެ.
ރައްޔިތުންގެ މަޖިލީހުގެ ވައިކަރަދޫ ދާއިރާގެ ގޮނޑިއަށް ވާދަކުރަން ނިންމާ އެކަން އިޢުލާން ކުރެއްވީ މިއަދު އެވެ.
އިންތިހާބުގައި ވާދަކުރަން ނިންމާފައިވަނީ އަދާލަތު ޕާޓީ (އޭޕީ) ގެ ޕަރާތުން ނެވެ.
މިއަދު މީސްމީޑިޔާގައި ކުރެއްވި ޕޯސްޓެއްގަ ވިދާޅުވެފައިވަނީ، މާތް ﷲ ގެ ވާގިފުޅާއި އެކު، ރައްޔިތުން މަޖިލީހުގެ ވައިކަރަދޫ ދާއިރާގެ މެންބަރުކަމަށް ކުރިމަތިލާން ނިންމާފައިވާކަމަށެވެ.
"ތިލަދުންމަތީ ނެއްލައިދޫ، ކުރިނބީ އަދި ވައިކަރަދޫ ރައްޔިތުންގެ ފުރިހަމަ ތާޢީދާއި އެއްބާރުލުމާއި، ހެޔޮ ނަސޭހަތާއި މަޝްވަރާ ލިބޭނެކަމަށް އުންމީދުކުރަމެވެ. ވަރަށް ބޮޑަށް ޝުކުރިއްޔާ"
މީސްމީޑިޔާގެ މަންސަތަކުގައި ކުރެއްވި ޕޯސްޓުގައި ވިދާޅުވެފައިވެއެވެ.
2019 ވަނަ އަހަރުގެ އިންތިހާބުގައިވެސް ޘަޤީފް ވާދަކުރެއްވި އެވެ. އެފަހަރު 995 ވޯޓާއި އެކު ދިޔައީ ދެވަނަ އަށެވެ.
އެއިންތިހާބުން ނާކާމިޔާބު ވުމާއި އެކު، ޘަޤީފް ފެނިގެން ގޮސްފައިވަނީ ނޫސްވެރިކަމުގެ ދާއިރާ އިންނެވެ.
2014 ވަނަ އަހަރު ހދ. އަތޮޅު ކައުންސިލަށް އިންތިހާބުވެ އެކައުންސިލްގެ ރައީސްކަންވެސް ޘަޤީފް ކުރެއްވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
