ޑިމޮކްރެޓްސްގެ ނައިބުންނަށް ޝިފާޒް، ފިރުޝާން އަދި އަލައިކާ
ދަ ޑިމޮކްރެޓްސްގެ ނައިބުރައީސުންގެ ގޮތުގައި މުޙައްމަދު ޝިފާޒް، ހުސެއިން ފިރުޝާން އަދި އާއިޝަތު އަަލައިކާ އަދްނާން އިންތިޚާބު ވެއްޖެއެވެ.
އިއްޔެ ބޭއްވުނު ޑިމޮކްރެޓްސްގެ އެތެރޭގެ އިންތިޚާބުގެ ވޯޓުލުން ކުރިއަށް ގޮސްފައިވަނީ އިއްޔެއެވެ.
އިއްޔެ ބޭއްވުނު އިންތިޚާބުން އެޕާޓީގެ ރައީސް ކަމަށް އިންތިޚާބު ވެފައިވަނީ އެޕާޓީ އުފެއްދުމުގައި އިސްވެ ހަރަކާތްތެރިވި ހަސަން ލަތީފެވެ. މިއިންތިޚާބުގައި ހަސަން ލަތީފާއި ވާދަކުރެއްވީ ރިޔާސީ އިންތިޚާބުގައި އެޕާޓީގެ ކެންޑިޑޭޓްގެ ރަނިންގެ މޭޓް ހަސަަން ޢަމްރުއެވެ.
ޑިމޮކްރެޓްސްގައި ތިން ނައިބުރައީސެއް ތިއްބަވާނެއެވެ. އެއީ ޕާޓީގެ ނައިބުރައީސާއި، ޒުވާނުންގެ ނައިބު ރަޢީސް އަދި އަންހެނުންގެ ތެރެއިން ހޮވާ ނައިބު ރައީސެވެ.
ނައިބު ރައީސްގެ މަޤާމަށް ޝިފާޒް އިންތިޚާބު ވެފައިވަނީ ވޯޓު ލުމަކާއި ނުލައެވެ. އެމަޤާމަށް އެހެން ބޭފުޅަކު ވާދަކުރައްވައިފައެއް ނުވެއެވެ.
އަންހެން ނާއިބު ރައީސަކަށް ހޮވިފައި ވަނީ ޢާއިޝަތު އަލައިކާ އަދުނާން އެވެ. ޒުވާނުންގެ ނާއިބު ރައީސަކަށް ހޮވިފައި ވަނީ މެންބަރު ހުސައިން ފިރުޝާން އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
