ފުލުހުންނަށް ފެނުނީ ވެލާ ފަޅައިގެން ކައްކަން ތިއްބާ
ބ. އަތޮޅުގެ ފަޅު ރަށަކު ވެލާ ފަޅައިގެން ކައްކަން ތިބި ބަޔަކު ފުުލުހުންނަށް ފެނިއްޖެއެވެ.
އިއްޔެ ހިނގި މި ހާދިސާއާ ގުޅޭގޮތުން ފުލުހުން ބުނީ، ބ. ކެޔޮދޫގައި ވެލާ ފަޅައިގެން އުޅޭ ކަމުގެ މައުލޫމާތު ފުލުހުންނަށް ލިބުމުން، އެރަށަށް އިއްޔެ ހަވީރު ދިޔަ ކަމަށެވެ. އަދި ބެލި ބެލުމުން އެރަށުގައި ވެލާ ކުނޑި ކައްކަން ތިބި ބަޔަކު ފެނިފައިވާ ކަމަށެވެ.
މި މައްސަލައިގައި އެއްވެސް މީހަކު ހައްޔަރު ނުކުރާކަމަށް ފުލުހުން ބުންޏެވެ.
މީގެ އިތުރުން ފުލުހުން ބުނީ، އެ މައްސަލައިގައި ބަލަންޖެހޭ ކަންތައްތައސް ބަލާފައިވާ ކަމަށާއި އެ ކަންކަން އެންވަޔަރަމެންޓް ޕްރޮޓެކްޝަން އެޖެންސީ (އީޕީއޭ)އާ ހިއްސާ ކޮށްފައިވާ ކަމަށެވެ.
މިކަމާ ގުޅިގެން އީޕީއޭއިން އަދި ރަސްމީކޮށް އެއްވެސް ބަހެއް ބުނެފައެއް ނުވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
