ނޭޝަނަލް ސައިބަރ ސެކިއުރިޓީ އެވެއަރނަސް މަންތް 2022 ހަފްލާގެ ތެރެއިން/ ފޮޓޯ: ރައީސް އޮފީސް
ނޭޝަނަލް ސައިބަރ ސެކިއުރިޓީ އެވެއަރނަސް މަންތް 2022 ހަފްލާގެ ތެރެއިން/ ފޮޓޯ: ރައީސް އޮފީސް
ހަބަރު 04 Oct 2022 | 20:56

ސައިބަރ ސެކިއުރީޓާއި ގުޅޭ މުހިންމު ދެ ގާނޫނު ހިމަނާ ބިލެއް

ސައިބަރ ސެކިއުރިޓީއާގުޅޭ މުހިއްމު ދެ ޤާނޫނެއް ޑްރާފްޓުކޮށް، ރައްޔިތުންގެ މަޖިލީހަށް ފޮނުވުމަށް މަސައްކަތް ކުރަމުންދާކަމަށް މިނިސްޓަރ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީ އާމިނަތު ޝައުނާ ވިދާޅުވެއްޖެއެވެ.

މިނިސްޓަރ ޝައުނާ މިހެން ވިދާޅުވީ، މިނިސްޓްރީ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީއާއި، ނޭޝަނަލް ސެންޓަރ ފޯރ އިންފޮމޭޝަން ޓެކްނޯލޮޖީ ގުޅިގެން ހިންގާ، "ނޭޝަނަލް ސައިބަރ ސެކިއުރިޓީ އެވެއަރނަސް މަންތް 2022" ހަރަކާތްތައް ރަސްމީކޮށް ފެށުމަށް ބޭއްވި ރަސްމިއްޔާތުގައި ވާހަކަފުޅުދައްކަވަމުންނެވެ.

އެ ރަސްމިއްޔާތުގައި ވާހަކަދައްކަވަމުން މިނިސްޓަރު ވިދާޅުވީ ސައިބަރ ސެކިއުރިޓީއާއި ގުޅުންހުރި މައްސަލަތައް އެއް ދުވަހުން އަނެއް ދުވަހަށް އިތުރުވަމުންދާކަމަށެވެ. އަދި މިފަދަ މައްސަލަތަކަކީ ޑިޖިޓަލް އިންފްރާސްޓްރަކްޗަރ ކުންފުނިތަކާއި، އޮންލައިން ޚިދުމަތްދޭ ފަރާތްތަކުގެ އެކަނި މައްސަލައަކަށް ހަދާފައި ދޫކޮށްލެވޭ ވަރަށް ވުރެ މާ ބޮޑެތި މައްސަލަތަކެއްކަން މިނިސްޓަރ ފާހަގަކުރެއްވިއެވެ.

"ސައިބަރ މައްސަލަތައް މަދުކުރުމަށް އިސްނަގައިގެން މަސައްކަތްކޮށް، ސައިބަރ ވެއްޓާއި، އިޖްތިމާޢީ އަދި އިޤްތިޞާދީ ޚިދުމަތް ދިނުމަށް ޤާއިމުކުރެވިފައިވާ ކްރިޓިކަލް އިންފޮމޭޝަން އިންފްރާސްޓްރަކްޗަރ ރައްކާތެރިކަމާއެކު ބެލެހެއްޓޭނެ ނިޒާމެއް މިއަދު މިވަނީ ކޮންމެހެން ޤާއިމުކުރަންޖެހިފައި"

ޓެކްނޮލޮޖީ މިނިސްޓަރު އާމިނަތު ޝައުނާ

ޝައުނާ ވިދާޅުވީ، ރައްޔިތުން ޑިޖިޓަލް ޚިދުމަތްތަކަށް ބަރޯސާވާ މިންވަރު އިތުރުވަމުންދާ ސްޕީޑުގައި ޑިޖިޓަލް ޚިދުމަތްތަކާއި އިންޓަރނެޓަކީވެސް ރައްޔިތުންނަށް ރައްކާތެރިތަނަކަށް ހަދަންޖެހޭކަމަށެވެ. އަދި އެކަމަށް ބޭނުންވާ އިންތިޒާމްތަކާއި އިދާރާތަކާއި ޤާނޫނީ އޮނިގަނޑުވެސް އެކުލަވާލަންޖެހޭކަމަށެވެ.

އެގޮތުން ސައިބަރ ސެކިއުރިޓީގެ ބިލެއް އެކުލަވާލުމުގެ މަސައްކަތް އެ މިނިސްްޓްރީއިން ކުރަމުންދާކަމަށް މިނިސްޓަރު ވަނީ ވިދާޅުވެފައެވެ.

"ގަވަމަންޓް ޑިޖިޓަލް ސަރވިސްގެ ޤާނޫނު އަދި ނޭޝެނަލް ސައިބަރ ސެކިއުރިޓީގެ ޤާނޫނުތައް ޑްރާފްޓް ކުރެވި މިއަހަރުގެ ތެރޭގައި ރައްޔިތުންގެ މަޖިލީހަށް ފޮނުވުމަށް މިދަނީ މަސައްކަތް ކުރަމުން"

ޓެކްނޮލޮޖީ މިނިސްޓަރު އާމިނަތު ޝައުނާ

މިނިސްޓަރު އިތުރަށް ވިދާޅުވީ ސައިބަރ ސެކިއުރިޓީއަކީ ކޮންމެ ފަރުދަކަށް އެއިން އަސަރުކުރާ އެތަކެއް ގެއްލުންތަކާ ހިތާމަވެރި ޙާދިސާތަކުން ފަރުދުންނާއި ވިޔަފާރިތަކާއި މުއައްސަސާތައް ރައްކާތެރިކުރުމަށް މިހާރުން މިހާރަށް ބޭނުންވާ ޚިދުމަތެއްކަމަށެވެ.

އެގޮތުން ސައިބަރ ސެކިއުރިޓީގެ ކަންކަން ޚަރުދަނާކުރުމަށް ޤައުމީ ސައިބަރ ސެކިއުރިޓީ އޭޖެންސީއެއް ގައިމުކުރުމަކީ މުހިންމުކަމެއްކަމަށް ދެކެވަޑައިގަންނަވާކަމަށް މިނިސްޓަރު ވިދާޅުވިއެވެ.

އޭގެ އިތުރުން ކުޑަކުދިންނާއި ޒުވާނުން މިކަމަށް ހޭލުންތެރިކުރުމަށް ކުރަންޖެހޭ މަސައްކަތްތައްވެސް އިތުރުކުރަން ޖެހިފައިވާކަންވެސް މިނިސްޓަރުގެ ވާހަކައިގައި ވަނީ ފާހަގަކުރައްވާފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

މާލެ ސިޓީގައި ތަރައްޤީވެފައިވާ ސިޓީއެއްގައި ހިމެނޭ ހުރިހާ އަސާސީ ކަންކަމެއް ފުރިހަމަ ކުރެވިއްޖެ: ޝައުނާ
29 Aug 2023 ހަބަރު

މާލެ ސިޓީގައި ތަރައްޤީވެފައިވާ ސިޓީއެއްގައި ހިމެނޭ ހުރިހާ އަސާސީ ކަންކަމެއް ފުރިހަމަ ކުރެވިއްޖެ: ޝައުނާ

މާލޭ ސިޓީގައި ތަރައްޤީވެފައިވާ ސިޓީއެއްގައި ހިމެނޭ ހުރިހާ އަސާސީ ކަންކަމެއް ފުރިހަމަ ކުރެވިއްޖެ ކަމަށް އެންވައިރަމެންޓް މިނިސްޓަރ އައިމިނަތު ޝައުނާ ވިދާޅުވެއްޖެއެވެ. ޝައުނާ މިހެން ވިދާޅުވީ މާލޭގައި ރޭ...