ހުރިހާ ދާއިރާއަކަށް ކުރިމަތިލާން މަޝްވަރާއެއް ނުކުރަން - ޖޭޕީ
ލިޔުންތެރިޔާ
ޝަފްރާޒް އަހްމަދު
އަންނަ އަހަރު ބޭއްވުމަށް ހަމަޖެހިފައިވާ މަޖިލިސް އިންތިހާބުގައި ސަރުކާރު ހިންގާ ކޯލިޝަަންގައި ހިމެނޭ މައި ދެޕާޓީ ވަކި ވަކިން ހުރިހާ ދާއިރާއަކަށް ކުރިމަތިލާން ނިންމާފައިވާކަމަށް ފެތުރިފައިވާ ވާހަކަ ޖުމްހޫރީ ޕާޓީން ދޮގުކޮށްފިއެވެ.
އެކަން ހާމަކޮށް ޖުމްހޫރީ ޕާޓީގެ ތަރުޖަމާނު އަލީ ސޯލިހު ވިދާޅުވެފައިވަނީ ކޯލިޝަންގެ 19-18 ކޮމިޓީގައި ބައްދަލުވުންތަކަކީ ކޯލިޝަންގެ ހުރިހާ ބައިވެރިން ކުރިއަށް ގެންދަވާ ބައްދަލުވުންތަކެއް ކަން ފާހަގަކުރައްވައި އެ ކޮމިޓީގެ ނިންމުމަކީ ޖޭޕީން އިހްތިރާމް ކުރާނެ ނިންމުންތަކެއް ކަމުގައި އޭނާ ފާހަގަކުރެއްވެވިއެވެ.
މި ކޮމިޓީގައި ހިމެނި ވަޑައިގަންނަވަނީ އެމްޑީޕީއާއި ޖޭޕީގެ އިތުރުން އަދާލަތު ޕާޓީއާއި ކުރީގެ ރައީސް މައުމޫން އަބްދުލްގައްޔޫމް ގެ އެމްއާރއެމް އެވެ.
މަޖިލިސް އިންތިހާބައި ގޮނޑި ބެހުމާ ބެހޭގޮތުން އިއްޔެ ވަނީ އެމްޑީޕީގެ ގެ ގައުމީ މަޖިލީހުގެ ނުރަސްމީ ބައްދަލުވުމެއް ރައީސް ނަޝީދު އިސްވެ ހުންނަވައި ބާއްވަވާފައެވެ. އަދި މި ބައްދަލުވުމުގައި ވަނީ އެމްޑީޕީން ހުރިހާ ދާއިރާއަކަށް ނިކުތުމާ ބެހޭގޮތުން މަޝްވަރާ ކޮށްފައި ކަމަށް ގައުމީ މަޖިލީހުގެ މެންބަރުން ވަނީ ހާމަކޮށްފައެވެ.
އެމްޑީޕީން އެހެން އެކަންކޮށްފި ކަމުގައި ވަނީ ނަމަ މިހާރު ސަރުކާރު ހިންގާ ކޯލިޝަންއަށް ވަރަށް ބޮޑެތި ގޮންޖެހުންތަކަކާ ކުރިމަތިލާން ޖެހޭނެއެވެ.
ނަމަވެސް މިހާތަނަށް ވެސް ހަތަރު ލީޑަރުންގެ ފަރާތުން މިކަމާ ބެހޭގޮތުން އެއްވެސް ވާހަކައެއް ހިއްސާކޮށްފައެއްނުވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
