'ޖޫސް ޓައިމް" އަށް ހަމަލާދިން ކަމަށް ތުހުމަތު ކުރެވޭ އެކަކު ހައްޔަރު ކޮށްފި
ހުޅުމާލޭގައި ހުންނަ "ޖޫސް ޓައިމް" އަށް ހަމަލާދިން ކަމަށް ތުހުމަތު ކުރެވޭ އެކަކު ހައްޔަރު ކޮށްފިއެވެ.
ފުލުހުން މިއަދު ބުނީ، 'ޖޫސް ޓައިމް' އަށް ގެއްލުން ދިނުމުގައި އަމަލީގޮތުން ބައިވެރިވިކަމަށް ތުހުމަތު ކުރެވޭ މީހުންގެ ތެރެއިން އެކަކު ހައްޔަރު ކޮށްފައި ވާކަމަށެވެ.
ހައްޔަރު ކޮށްފައި ވަނީ 19 އަހަރުގެ ފިރިހެނެކެވެ. އޭނާ ހައްޔަރުކުރީ، ކޯޓު އަމުރުގެ ދަށުން މިއަދުގެ ވަގުތެއްގައި ކަމަށް ފުލުހުން މައުލޫމާތު ދިނެވެ.
ހުޅުމާލެ “ޖޫސް ޓައިމް” އަށް ގެއްލުން ދިން މައްސަލާގައި ފުލުހުން ހިންގި އޮޕަރޭޝަނެއްގައި އަންހެނަކު ވެސް ހިމެނޭހެން 7 މީހަކު ހައްޔަރުކޮށްފައި ވަނީ ބުދަ ދުވަހުއެވެ.
ފުލުހުންގެ މީޑިއާ އޮފިޝަލް ވިދާޅުވީ، 2023 ފެބްރުއަރީ 17 ވަނަ ދުވަހުގެރޭ ހުޅުމާލެ ޖޫސް ޓައިމްއަށް ބަޔަކު ވަދެ ގެއްލުންދީފައިވާ މައްސަލައާ ގުޅިގެން ފެބްރުވަރީ 28 ވަނަ ދުވަހު ކޯޓު އަމުރެއްގެ ދަށުން ހުޅުމާލޭގެ އެޕާޓްމަންޓެއް ބަލައިފާސްކޮށްފައިވާ ކަމަށެވެ.
އަދި މި އެޕާޓްމަންޓް ބަލައިފާސްކުރިއިރު، މާރާމާރީ ހިންގުމަށް ބޭނުންކުރާ ބައެއް ތަކެއްޗާއި މަސްތުވާތަކެތި ފެނިފައިވާ ކަމަށްވެސް ބުނެފައިވެއެވެ.
ފުލުހުން އިތުރަށް ބުނީ، އެ ގެއިން އެ ތަކެތި ފެނުމާއި ގުޅިގެން 7 މީހަކު ހައްޔަރުކޮށްފައިވާ ކަމަށާ އެ މީހުންގެ ތެރޭގައި އަންހެނަކުވެސް ހިމެނޭ ކަމަށެވެ. އަދި މި އެންމެންނަކީވެސް ދިވެހިން ކަމަށް ފުލުހުން ވިދާޅުވި އެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
