އަޤްސާ އަށް ދިން ހަމަލާތަކަށް ފަހު ޣައްޒާ އަށް ހަމަލާދީފި
މަސްޖިދުލް އަޤްސާގައި ނަމާދަށް ތިބި ފަލަސްޠީނުގެ ރައްޔިތުނަށް އަނިޔާކޮށް އެތައްބަޔަކު ހައްޔަރުކުރުމަށް ފަހު އިޒްރާއިލް ސިފައިން ޣައްޒާ އަށް ހަމަލާދީފިއެވެ.
ޣައްޒާއަށް ދިން ހަމަލާތައް އަމާޒުކުރީ ޣައްޒާގެ ހުޅަނގުގައި ހިންގާ މިލިޓަރީ ސައިޓަކަށާއި ނުސްރަތު ރެފިޔުޖީ ކޭމްޕަށް ކަމަށް ޣައްޒާގައި ހުރި އަލްޖަޒީރާގެ ރިޕޯޓަރު މަރަމް ހުމައިދް ބުނެފައިވެއެވެ.
މަންޒަރުދުށް މީހަކު ރޮއިޓާސް އަށް ބުނެފައިވަނީ އިޒްރާއިލް ސިފައިންގ ޓޭންކަރުން ޣައްޒާގެ ދެކުނު ބޯޑަރުކައިރީގައި ހަމާސްގެ ހަނގުރާމަ ވެރިން ތިބޭ ތަނަށް ހަމަލާދީފައިވާކަމަށެވެ.
މިހަމަލާތަކުގެ ސަބަބުން މީހަކު ޒަހަމްވެ ނުވަތަ މީހަކު މަރުވިކަމެއް އަދި ރިޕޯޓް ކޮށްފައެއް ނުވެއެވެ.
ރޭ ފަތިހު އިޒްރާއިލް ސިފައިން އަލް އަޤްސާއަށް ވަދެގަނެ ރަބަރު ބުލެޓުން ދިން ހަމަލާތަކާއި ކޮޅުފައިނާއި ބަޑިތަކުން ތަޅައި އަނިޔާކުރުމުގެ ސަބަބުން ފަލަސްޠީނުގެ 12 މީހަކަށް އެކިވަރުގެ އަނިޔާތައް ވަނީ ލިބިފައެވެ. އަދި ފަލަސްޠީނުގެ ރެޑްކްރޮސެންޓުގެ އަވަސްފަރުވާ ދޭ ފަރާތްތައް އަޤްސާ އަށް ވަންނަން ކުރި މަސައްކަތް އިޒްރާއިލް ސިފައިން ވަނީ ހުއްޓުވައިފައެވެ.
އިޒްރާއިލް ސިފައިން އަޤްސާ އަށް ވަދެ ނަމާދުކުރަން ތިބި މީހުންނަށް އަނިޔާކުރި މަންޒަރުތައް ދައްކުވައިދޭ ވީޑިއޯތަކުން ކްލަބް ތަކާއި ލަޓިބުރި ތަކުން ސިފައިން ފަލަސްޠީނުގެ މީހުން ގައިގައި ތަޅާ މަންޒަރު ފެނެއެވެ. އަދި ވީޑިއޯ ތަކުގައި އަޑުހަރުކޮށް "ޔާﷲ" މިފަދައިން ގޮވާ އަޑުތައްވެސް އިވެއެވެ.
ފަލަސްޠީނުގެ އިސްލާމިކް ޖިހާދުގެ ލީޑަރު ޒިޔާދް އަލް ނަޚާލާމީޑިއާ އަށް ދީފައިވާ ބަޔާނެއްގައި ބުނެފައިވަނީ މިއަށްވުރެ ވަރުގަދަ ކުރިމަތިލުން ތަކާއި ހަމަލާތަކަށް، ކުރިއަށް އޮތް ދުވަސްތަކުގައި ފަލަސްޠީނުގެ ރައްޔިތުން ތިބެންވާނީ އަބަދުވެސް ތައްޔާރުވެގެން ކަމަށެވެ.
އިޒްރާއިލްގެ ޔަހޫދީންގެ ސިފައިންގެ ފޯސް މިވަގުތު ހިންގުމާއި ހަވާލުވެހުރީ ފަލަސްޠީނުގެ މުސްލިމުންދެކެ އިންތިހާއަށް ރުޅިއަންނަ މުސްލިމުންނާއި ވަރަށް ދެކޮޅު މީހެއް ކަމަށް އަލްޖަޒީރާގައި ބުނެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
