ޝެއިޚް ސައުދާން އާއި މިނިސްޓަރު އަހްމަދު މަހްލޫފް އަދި ޝެއިޚް މުހައްމަދު އަބްދުލް ލަތީފް
ޝެއިޚް ސައުދާން އާއި މިނިސްޓަރު އަހްމަދު މަހްލޫފް އަދި ޝެއިޚް މުހައްމަދު އަބްދުލް ލަތީފް
ހަބަރު 05 Oct 2022 | 10:42

ކަސީނޯ އެޅުމާއި ގުޅިގެން މަހުލޫފް ދެއްކެވި ވާހަކަތަކަށް ޢިލްމުވެރިންގެ ހޫނު ރައްދުތަކެއް!

ރިސޯޓް ތަކުގައި ކަސީނޯ އެޅުމާއިމެދު މަޝްވަރާ ކުރަންޖެހޭ ކަމަށް ބުނެ ޔޫތު މިނިސްޓަރު އަހުމަދު މަހުލޫފް އިއްޔެ އޮތް ރައްޔިތުންގެ މަޖިލީހުގެ ޖަލްސާގައި ދެއްކެވި ވާހަކަފުޅުތަކާއި ގުޅިގެން ދީނީ ޢިލްމުވެރިންގެ ހޫނު ރައްދުތަކެއް އޭނާއަށް ދެއްވައިފިއެވެ.

ރައްޔިތުންގެ މަޖިލީހުގެ އިއްޔެގެ ޖަލްސާގައި ވަޒީރުންނާ ސުވާލު ކުރުމުގެ ވަގުތުގައި، ކާށިދޫ ދާއިރާގެ މެންބަރު ޖާބިރު ވަނީ، ރިސޯޓުތަކުގައި ޕްރޮފިޓް ނުލިބޭ ކުޅިވަރުތައް ހިންގުމުގެ ބަދަލުގައި ކެސިނޯ ލައިސަންސް ދޭންޖެހޭ ކަމަށް ވިދާޅުވެ ޖާބިރު ސުވާލު ކުރެއްވީ، ކެސިނޯ އެޅުމަށް ޓޫރިޒަމް އިންޑަސްޓްރީއަށް ބޭނުންވާ ފައިސާ ހޯދުމަށް ޔޫތު މިނިސްޓްރީން ކުރަނީ ކިހާވަރެއްގެ މަސައްކަތެއްތޯ އާއި އެކަން ކުރުން މަނާކުރަނީ ކޮންތާކުންތޯ ސުވާލުކުރައްވާފައެވެ.

ޖާބިރު ކުރެއްވި ސުވާލާ ގުޅިގެން މަހުލޫފު ވިދާޅުވީ ކެސިނޯގެ ނަން ބުންޏަސް އަދި އެ ވާހަކަ ދައްކަވަން ފެއްޓެވިއަސް އެ ވާހަކަދައްކަވާ ބޭފުޅުން ގޯސްވެ ކުށްވެރިވާ ކަމަށެވެ.

".. މިއިން ތަނެއްގައިވެސް އަޅުގަނޑުމެންނަށް ކެސިނޯއޭ ބުންޏަސް، ވާހަކަ ފެށިޔަސް ގޯސްވޭ. އެ ނަން ކިޔަސް ވެސް ގޯސްވާ ހިސާބުގައި. އެހެންވީމަ އުޅެންޖެހެނީ އެންމެން ބޮޑު ބިރުވެރިކަމެއްގައި، މިއިން ކަމަކާ ގުޅިގެން މަޝްވަރާ ކޮށްލާނެ ޖާގަވެސް އޮންނަ ކަމަކަށް ނުވޭ" މަހުލޫފް ވިދާޅުވިއެވެ.

މަހުލޫފު އިތުރަށް ވިދާޅުވީ ޖާބިރުގެ ވާހަކަފުޅުގައި ފާހަގަކުރެއްވި ފަދައިން ބަރާބަރަށް ރާ ވިއްކައި ހުރިހާ ސަކަރާތެއް ރިސޯޓުތަކެއްގައި ޖަހާ ކަމަށެވެ. އަދި ރާ ވިއްކުން ހަރާމްކޮށްފައި ކެސީނޯ ހިންގުން ހަރާމްނުކުރެވޭނެ ކަމަށްވެސް މަހުލޫފު ވިދާޅުވިއެވެ.

"ބަރާބަރަށް ރާ ވިއްކާ. އެހެން ހުރިހާ ސަކަރާތެއްވެސް އެތަންތަނުގައި ޖަހާ. ކެސިނޯގެ ވާހަކަ ފަށާފައި ހަމަ ބުނާއިރަށް ބުނޭ ހަރާމޭ. ރާ ވިއްކުން ހަރާމެއް ނޫނޭ، ކެސީނޯގެ މަސައްކަތް ފަށާ ވާހަކަދައްކާއިރަށް އެ ހަރާމެއް ނުކުރެވޭނޭ،" މަހުލޫފު ވިދާޅުވިއެވެ.

މަހުލޫފްގެ މިވާހަކަތަކަށް ރައްދު ދެއްވައި، ދީނީ ޢިލްމުވެރިޔާ އައްޝައިޚް މުހައްމަދު ލަތީފު ވިދާޅުވީ، އިސްލާމްދީނުގައި ޙަރާމްކުރައްވާފައިވާ ޖުވާކުޅުންފަދަ ކަމެއް ކުރުމަށް މަޝްވަރާ ކުރެވެންޖެހޭނެކަމަށް ފާޅުގައި ބުނެ، އެކަލާނގެ ޙުކުމަކަށް ގޮންޖަހާލާ މީހާ، އޭނާގެ ޙާލުގެ ދުލުން އެ ބުނެވެނީ އެކަލާނގެ ޢިލްމުފުޅަށްވުރެ ތިމަންނާއަށް ލިބިގެންވާ ޢިލްމު މާ މަތިވެރި ކަމަށާ، އަޅުތަކުންގެ މަޞްލަޙަތު ހުރި ކަންކަން ބޮޑަށް އެނގެނީ ތިމަންނާއަށް ކަމަށެވެ.

އަޚުންނޭވެ! މިފަދަ ކުފުރު ބަސްތަށް ބުނުމުގެ ނަތީޖާއާމެދު ބިރުވެތިވާށެވެ! ދުނިޔޭގެ ފޮނިކަމާއި މީރުކަމަށް ހެއްލުންތެރިނުވެ، މާދަމާ އުޅެން އޮތްތަން ފައްކާކުރާށެވެ!

ޝެއިޚް މުހައްމަދު ލަތީފް

މީގެ އިތުރުން، މަހުލޫފްގެ އެ ވާހަކަތަކަށް ރައްދު ދެއްވައި، ދީނީ ޢިލްމުވެރިޔާ ޝެއިޚް ސައުދާން ކުރެއްވި ޓުވީޓެއްގައި ވަނީ، ކެސީނޯ ހުޅުވުމަށްޓަކައި، ރަލާއި ރިބާ ހުއްޖަތަކަށް ހަދާފަ ވާހަކަދެއްކުމަކީ، އިސްލާމަކަށްވެހުރެ ކުރުން ހުއްދަ ވާނެކަމެއްނޫން ކަމަށެވެ.

ރާވެސް، ރިބާވެސް، ކެސީނޯވެސް ޙަރާމް! އިސްލާމް ދީނުގައި ޙަރާމް ކުރައްވާފައިވާ ކަންކަން މަޝްވަރާކޮށްގެން ނިންމަން ވެއްޖެނަމަ އިސްލާމް ދީނެއް ނޯއްނާނެ.

ޝެއިޚް ސައުދާން

މީގެ އިތުރުން ވެސް ގިނަ އަދަދެއްގެ ޢިލްމުވެރިންނާއި ޢާއްމުންގެ ނުރުހުން މަހްލޫފް ގެ މިވާހަކަތަކަށް ވަނީ އަމާޒުވެފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ސަފީރު މަޚްލޫފް، ސަފީރު ކަމުގެ ފަތްކޮޅު އަރުވައިފި
25 May 2026 ހަބަރު

ސަފީރު މަޚްލޫފް، ސަފީރު ކަމުގެ ފަތްކޮޅު އަރުވައިފި

ދިވެހިރާއްޖެއިން ޖަޕާނަށް ކަނޑައަޅާފައި ހުންނަވާ ސަފީރު އަޙްމަދު މަޚްލޫފް އޭނާ ސަފީރުކަމުގެ ފަތްކޮޅު، ޖަޕާނުގެ އެމްޕެރަރ، އެމްޕެރަރ ނަރުހިޓޯ އަށް މިއަދު ހެނދުނު އަރުވައިފި އެވެ. ޓޯކިޔޯގެ އިމްޕީރިއަލް ...