އުރީދޫ ކްލަބް ޕްރިމިއާ މެންބަރުންނަށް ޓީޗަރުންގެ ދުވަހާއި ގުޅިގެން ޚާއްސަ އޮފާ ތަކެއް!

އުރީދޫ ކްލަބް ޕްރިމިއާ މެންބަރުންނަށް ޓީޗަރުންގެ ދުވަހާއި ގުޅިގެން ޚާއްސަ އޮފާ ތަކެއް ހުޅުވާލައިފިއެވެ.

އުރީދޫއިން ބުނީ، މިއަދު ފާހަގަކުރަމުންދާ ބައިނަލްއަގުވާމީ ޓީޗަރުންގެ ދުވަހާއި ގުޅިގެން ކްލަބް ޕްރިމިއާ މެންބަރުންނަށް "ކެކްޓަސް މޯލްޑިވްސް" އިންނާއި "ކްލާސިކް" ފިހާރައިން ޚާއްސަ ޑިސްކައުންޓް ތަކެއް ލިބިގެންދާނެ ކަމަށެވެ.

އެގޮތުން، އުރީދޫ ކްލަބް ޕްރިމިއާ މެންބަރުންނަށް މިއަދު ކެކްޓަސް މޯލްޑިވްސްއިން ގަންނަ ތަކެތިން %25 އާ ހަމައަށް ޑިސްކައުންޓް ލިބިގެންދާނެ ކަމަށެވެ. އަދި ހަމަ އެހެންމެ، އެތަނުން ކުރާ ކޮންމެ ވިޔަފާރި އަކާއި އެކު، ޓީޗަރުންގެ ދުވަހުގެ ތަހުނިޔާ ކާޑެއް ހިލޭ ލިބޭނެ ކަމަށްވެސް އުރީދޫއިން ބުނެއެވެ.

މީގެ އިތުރުން އުރީދޫއިން ބުނީ، އުރީދޫ ކްލަބް ޕްރިމިއާ މެންބަރުންގެ ތެރެއިން ޓީޗަރުންނަށް މިއަދުން ފެށިގެން އޮކްޓޯބަރު 8 ވަނަ ދުވަހާއި ހަމައަށް "ކްލާސިކް" ފިހާރައިން %35 އާ ހަމައަށް ޑިސްކައުންޓް ލިބޭނެ ކަމަށެވެ. އަދި އެ ޑިސްކައުންޓް ލިބޭނީ ޓީޗަރުންގެ އައިޑީ ފިހާރައަށް ދެއްކުމުން ކަމަށްވެސް ބުނެފައިވެއެވެ.