އިންތިޤާލީ މަރުހަލާގައި އެއްވެސް އައު ޕްރޮޖެކްޓެއް ނުފެށުމަށް ޕީސީބީ އިން އަންގައިފި
ކުރިއަށް މިދާ އިންތިޤާލީ މަރުހަލާގެ ދުވަސްވަރު އައު އެއްވެސް ސަރުކާރުގެ އެއްވެސް ކުންފުންނަކުން ނުފެށުމަށް ޕްރައިވަފަްިޒޭޝަން އެންޑް ކޮޕަރައިޒޭޝަން ބޯޑުން އަންގައިފިއެވެ.
ޕީސީބީ އިން ނެރެފައިވާ ސާކިޔުލާއެއްގައި ބުނެފައިވަނީ އިންތިޚާބީ ރައީސް ޑރ މުޙައްމަދު މުޢިއްޒުގެ ރިޔާސީ ދައުރު ފެށުމާއި ދެމެދު ކުރިއަށް މިދާ އިންތިޤާލީ މަރުހަލާގައި ސަރުކާރު ކުންފުނިތަކާއި ސަރުކާރު ހިއްސާވާ ކުންފުނިތަކުން އައު ޕްރޮޖެކްޓުތައް ނުފެށުމަށާއި ކުންފުނިން ބޮޑު ޚަރަދެއް ކުރަންޖެހޭ އައު އެއްވެސް ކަމެއް ނުކުރުމަށެވެ.
އަދި ކުންފުނީގެ އާމްދަނީއަށް އަސަރުކުރާނެ ޤަވައިދުތަކާއި އުސޫލުތަކާއި ނިންމުންތަކަށް އެެއްވެސް ބަދަލެއް ނުގެނައުމަށް ވެސް އަންގައިފައިވެއެވެ.
މީގެއިތުރުން ކުންފުނީގެ މުވައްޒަފުންނަށް މުސާރަ އާއި ޢިނާޔަތް ދިނުމަށް ކަނޑައެޅިފައިވާ އުސޫލުތަކާއި އަދި މުސާރައާއި ޢިނާޔަތްތަކަށް އެއްވެސް ބަދަލެެއް ނުގެނައުމަށްވެސް ވަނީ އަންގައިފައެވެ.
ހަމަމިޔާއި އެކު މުވައްޒަފުންނާ ގުޅޭ ޤަވާއިދުތަކާއި އުޞޫލުތަކަށް ބަދަލު ނުގެނައުމަށާއި، ކުންފުނީގެ ވަޒީފާގެ އޮނިގަނޑަށް ބަދަލު ނުގެނައުމަށް ޕީސީބީން އަންގާފައި ވެއެވެ.
ޕީސިބީގެ ސާކިޔުލާގައި އިތުރަށް ބުނެފައިވަނީ އިންތިޚާބީ ރައީސް ޑރ މުޢިއްޒުގެ އިންތިޤާލީ ކޮމިޓީއަށް ބޭނުންވާ ހުރިހާ މަޢުލޫމާތު ފޯރުކޮށްދިނުމަށާއި، އެ ކޮމިޓީއަށް ބޭނުންވާނެ ލިޔެކިޔުންތަކާއި މަޢުލޫމާތު ލުއި ފަސޭހަ ގޮތަކަށް އިންތިޒާމްކުރުމަށެވެ.
އަދި ހަމަ މިއާއި އެކު މި މުއްދަތުގެ ތެރޭގައި ހާމަކަން ބޮޑުގޮތެއްގައި ކުންފުނިތަކުގެ ނިންމުންތައް ޒިންމާދާރުކޮށް ނިންމުމަށް ޕީސީބީން އަންގާފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
