މުޞްޠަފާ ޕޮލިހަށް ހާޒިރު ވާން އަންގައިފި
ތިމަރަފުށީ ދާއިރާގެ ކުރީގެ މެމްބަރ މުޙައްމަދު މުޞްޠަފާ ޕޮލިހަށް ހާޒިރުވުމަށް އަންގައިފިއެވެ.
މުޞްޠަފާ ޕޮލިހަށް ހާޒިރުވުމަށް މި އެންގީ އޭނާ މިއަދު ކުރެއްވެވި ޓުވީޓަކާއި ގުޅިގެނެވެ. އޭނާ ގެ ޓުވީޓުގައި ވިދާޅުވެފައިވަނީ ރައީސް އިބްރާހިމް މުޙައްމަދު ޞާލިޙުގެ މޫނަށް ކުޅުޖެހި މީހަކަށް 50،000 ރުފިޔާ ދޭނެ ކަމަށް ބުނެއެވެ.
މިކަމާއި ގުޅިގެން އެއްބަޔަކު ނުރުހުން ފާޅުކޮށް ރައްދު ދީފައި ވާއިރު އަނެއް ބަޔަކު އޭނާގެ ބަހަށް ތާއީދު ކޮށް ރައްދު ދީފައިވެއެވެ.
ފުލިހުން ވިދާޅުވެފައިވަނީ "ތިމަރަފުށި" ނަމުގައި ހިންގަމުން އަންނަ ޓުވިޓާ އެކައުންޓަކުން ކޮށްފައިވާ ޓުވީޓެއްގެ މައްސަލަ ފުލުހުންގެ ސަމާލުކަމަށް ގެނެސްފައިވާ ކަމަށެވެ. އަދި އެ ޓުވީޓާއި ގުޅިގެން ބަލަންޖެހޭ ކަންކަން ބަލަމުން އަންނަ ކަމަށް ފުލުހުން ބަލަމުން އަންނަ ކަމަށެވެ.
މުޞްޠަފާ ފުލުހަށް ހާޒިރުވުމަށް އަންގައިފައިވަނީ މިރޭ 9:45 އަށެވެ.
އެމްޑީޕީގެ އެތެރޭ އިންތިޚާބުގައި ރައީސް ޞާލިޙާއި ކުރީގެ ރައީސް ނަޝީދު ވާދަ ކުރެއްވިއިރު މުޞްޠަފާ ހުންނެވީ ނަޝީދުގެ ފަހަތްޕުޅުގައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
