ޑެޕިއުޓީ މޭޔަރު ނަރީޝް މިނިވަންކުރުމަށް މާލޭ ސިޓީ ކައުންސިލުން ގޮވާލައިފި
މިއަދުގެ މުޒާހަރާގެ ތެރެއިން ހައްޔަރުކޮށްފައިވާ މާލޭ ސިޓީގެ ޑެޕިއުޓީ މޭޔަރު އަހުމަދު ނަރީޝް މިނިވަންކުރުމަށް އެ ކައުންސިލުން ގޮވާލައިފި އެވެ.
ނަރީޝް މިނިވަންކުރުމަށް ގޮވާލާ މާލޭ ސިޓީ ކައުންސިލުން ވަނީ ބަޔާނެއް ވެސް ނެރަފައެވެ.
އެ ބަޔާނުގައި ސިޓީ ކައުންސިލުން ބުނީ ޕްރޮގްރެސިވް ކޮންގްރެސް ކޯލިޝަނުން 06 ޖަނަވަރީ(މިއަދު)2023 ވަނަ ދުވަހު މާލޭގައި ބޭއްވި އެއްވެ އުޅުމުގެ ތެރެއިން، ސުލްހަވެރިކަމާއެކު އެއްވެ އުޅުމުގެ މިނިވަންކަމުގެ ޤާނޫނުގެ ދަށުން ލިބިދީފައިވާ ޙައްޤުގެ ތެރެއިން އަޑުއުފުލުމަށާއި، ޤާނޫނު އަސާސީގެ 27 ވަނަ މާއްދާގައި ބަޔާންކޮށްފައިވާ ޚިޔާލު ފާޅުކުރުމުގެ މިނިވަން ކަމުގެ ދަށުން ޝުޢޫރު ފާޅުކުރަމުން ދަނިކޮށް މާލޭ ސިޓީގެ ޑެޕިއުޓީ މޭޔަރު އަހްމަދު ނަރީޝް ހައްޔަރުކޮށްފައިވާ ކަމަށެވެ.
މާލެ ސިޓީ ކައުންސިލުން ޤަބޫލުކުރާ ގޮތުގައި މިއީ ޤާނޫނު އަސާސީއިން ލިބިދީފައިވާ ޝުޢޫރު ފާޅުކުރުމުގެ މިނިވަންކަން ހަނިކޮށް މާލޭ ސިޓީގެ ރައްޔިތުން އެމީހުންގެ މަންދޫބެއްގެ ގޮތުގައި ހޮއްވަވާފައި ހުންނެވި ކައުންސިލަރުގެ އަޑު ކަނޑުވައިލުމަށްޓަކައި ހިންގާފައިވާ ޒިންމާދާރުކަން ކުޑަ ޢަމަލެއްކަމަށް އެ ކައުންސިލުން ވަނީ ބުނެފަ އެވެ.
އަދި އެއީ ދިމިޤްރާތީ ވެއްޓެއްގައި ކަންވެގެން ދާންޖެހޭގޮތް ނޫންކަމުގައިވެސް އެ ކައުންސިލުން ދެކޭކަމަށްވެސް ބުނެފައި ވެއެވެ.
އެއާއެކު ސިޓީ ކައުންސިލުން ވަނީ މާލެ ސިޓީގެ ޑެޕިއުޓީ މޭޔަރ އަހްމަދު ނަރީޝް ވަގުތުން ދޫކޮށްލުމަށް ގޮވާލާފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
