ދަ ޑިމޮކްރެޓްސް އުފެއްދުމަށް ބޭއްވި ޖަލްސާއާއި އެކު ޤާސިމްގެ މަރުޙަބާ
ދަ ޑިމޮކްރެޓްސް އުފެއްދުމަށް ރޭ ބޭއްވުނު ޖަލްސާ އާއި އެކު ޖުމްހޫރީ ޕާޓީގެ ލީޑަރ ޤާސިމް އިބްރާހިމް އެޕާޓީގެ އިސް ލީޑަރުންނަށާއި ޕާޓީގެ މެމްބަރުންނަށް މަރުޙަބާ ދަންނަވައިފިއެވެ.
މިކަމާއި ގުޅިގެން ޤާސިމް ކުރެއްވެވި ޓްވީޓެއްގައި ވިދާޅުވެފައިވަނީ ދަ ޑިމޮކްރެޓްސް އުފެއްދުމަށް ބޭއްވީ ނުހަނު ކާމިޔާބު އަދި އެހާމެ ފުރިހަމަ ޖަލްސާއެއްކަން ޔަޤީން ކަމަށެވެ.
"ޑިމޮކްރެޓްސްގެ މުއައްސިސް އުސްތާޒް ހަސަން ލަތީފަށާއި، ރައީސް މުޙައްމަދު ނަޝީދަށާއި އެ ޕާޓީއަށް ތާއީދުކުރައްވާ އެންމެހާ ފަރާތްތަކަށް ތަޙްނިޔާ އާއި މުބާރަކްބާދު ދަންވަން" ޤާސިމް ވިދާޅުވެފައިވެއެވެ.
ޑިމޮކްރެޓްސް އުފެއްދުމަށް ބޭއްވި ޖަލްސާގައި ޖުމްހޫރީ ޕަޓީގެ ފަރާތުންނާއި ޕީޕީއެމް ޕީއެންސީ ކޯލިޝަންގެ ފަރާތުންވެސް ވަނީ ބައިވެރިވެފައެވެ.
ޑިމޮކްރެޓްސް އުފެއްދުމަށް ބޭއްވި ޖަލްސާ ބާއްވާފައިވަނީ ރޭ ޣިޔާސުއްދީން ސްކޫލްގެ ހޯލުގައެވެ. މިޖަލްސާގައި ކުރީގެ ރައީސް ނަޝީދުގެ މަންމަ އާއި ބައްޕަވެސް ވަނީ ބައިވެރިވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
