ހއ. އިހަވަންދޫ ސުކޫލުގައި މަލްޓިޕާޕަސް ހޯލެއްގެ ބިންގާ ރައީސުލްޖުމުހުރިއްޔާ އަލްފާޟިލް އިބުރާހިމް މުޙައްމަދު ސޯލިހު އަޅުއްވައިދެއްވަނީ
ހއ. އިހަވަންދޫ ސުކޫލުގައި މަލްޓިޕާޕަސް ހޯލެއްގެ ބިންގާ ރައީސުލްޖުމުހުރިއްޔާ އަލްފާޟިލް އިބުރާހިމް މުޙައްމަދު ސޯލިހު އަޅުއްވައިދެއްވަނީ
ހަބަރު 06 Sep 2023 | 12:11

ނަންވާނީ މައުމޫން، ކުރަނީ އެއްކަމެއް، ކަޑަޖަހަނީ

މިދުވަސްކޮޅު ސަރުކާރުން ރާއްޖޭގެ ރަށްރަށުގައި ބަނދަރުހެދުމާއި ބިން ހިއްކުމާއި މަގުހެދުންފަދަ މަޝްރޫއުތައް ހިންގުމަށް އެމްޓީސީސީއާއި ހަވާލުކުރަމުންދާ ކޮންޓްރެކްޓްތަކުގެ އަދަދު ގިނަކަމުން މީހުން ހައިރާންވެދާނެއެވެ.

އެއީ ރައީސުލްޖުމްހޫރިއްޔާގެ އޯގަތެރިކަމާއި ހިންގުންތެރިކަން ހުރިވަރު ދައްކައިދޭ ކަމެއްކަމަށް އެއްބަޔަކު ކިޔާފާނެއެވެ. މިގޮތަށް ސޮއިކުރާ ސޮއިކުރުންތަކާއި އަމަލީ މަސައްކަތް ފަށައިގަތުމުގެ ތަޖުރިބާ މިހާރު އެންމެ ބޮޑަށް ކުރެވިފައި އޮންނާނީ ކޮމަންޑޫގެ ރައްޔިތުންނަށެވެ.

މީގެ ދެއަހަރެއް ކުރިން ކޮމަންޑޫ ދާއިރާގެ ކެމްޕޭނާ ދިމާކޮށް އެރަށުގައި ތަރައްގީގެ މަޝްރޫއުތަކެއް އެމްޓީސީސީ ގެންގޮސްގެން ކުއްލިގޮތަކަށް ސަރުކާރުން ފަށައިގަތުމުން ރައްޔިތުންނަށް ލިބުނު އުފަލެއްގެ ބޮޑުކަމުން ބޮޑުތަނުން އިންތިޚާބު ސަރުކާރަށް ކާމިޔާބު ކޮށްދިނެވެ. އިންތީޚާބު ކާމިޔާބުވުމާއެކު ރަށުގެ ގޮނޑުދޮށަށް ރާޅެއްޖަހާލާފައި ދަމައިގަތްގޮތަށް އެމްޓީސީސީގެ އުޅަނދުތައް ރަށުން ބާލައިގެން ގެންގޮސް އެތައް ދުވަހަކު އެހެން އޮއްވައި ރައްޔިތުން ރުޅިއައިސްގެން އަޑުއިފުލަންފެށުމުން ރިޔާސީ އިންތިޚާބާ ދިމާކޮށް މިހާރު އަނެއްކާ އެބައުޅެއެވެ.

ރައީސް އިބްރާހީމް މުހައްމަދު ސާލިހް ވެރިކަމާ ހަވާލުވެވަޑައިގަތުމަށްފަހު އައްޑުއަތޮޅު ތަރައްގީކުރަން 5 ބިލިޔަން ރުފިޔާގެ ބަޖެޓެއް ކަނޑައެޅިއެވެ. އެބަޖެޓަށް ވީގޮތެއް ނޭނގެއެވެ. ކުރިކަމެއް ދަންނަ އަތޮޅުގެ ރައްޔިތަކު ނެތެވެ. ރަށުގެ މަގުތައް ހަދަން ފެށީ އިންޑިއާއިން ލޯންނަގައިގެން އިންޑިއާގެ ކުންފުންޏަކާ ހަވާލުކޮށް އިންޑިއާ މީހުން އައްޑުއަތޮޅަށް ގެންގޮސްގެންނެވެ. އެމަސައްކަތްވެސް ދަނީ ފިނިހަކަ ދުވެލީގައެވެ.

މީގެ ފަސްއަހަރުކުރިން ވައުދުވި ކަންކަން ނުނިންމުނެވެ. އެކަން އެހެން އޮއްވާ އަނެއްކާ މަތިމައްޗަށް ވައުދުވެފައި ރަށްރަށުގައި ކުރަން ހުރި ހުރިހާ މަސައްކަތެއް އެއްވެސް ޕްލޭނެއް، ތިމާވެށީގެ ގޮތުން ހަދަންޖެހޭ އެއްވެސް ސާވޭއެއް، އަދި ބަޖެޓްގައި ފައިސާވެސް ކަނޑައެޅިފައިނެތީސް ކުރިއަށް އޮތް ފަންސާހަކަށް އަހަރަށް ދަންދެން ކުރާން ހުރި ހުރިހާކަމެއް އެމްޓީސީސީއާއި ދަނީ ހަވާލުކުރަމުންނެވެ.

މި ހުރިހައި މަޝްރޫއުތަކަކީ އަދި ކަރުދާސް ޕްރޮޖެކްޓްތަކެކެވެ. ކޮޅެއްމެދެއް ފެންނަން ނެތް ޕްރޮޖެކްޓްތަކެކެވެ. އެކަމަކު އިންތިޚާބުގެ މިދުވަސްވަރު ކޮންމެ ދުވަހަކުވެސް ޕްލޭނިން މިނިސްޓްރީއާއި އެންވަޔަރމަންޓް މިނިސްޓްރީގައި ރަސްމިއްޔާތު ބާއްވައި އެމްޓީސީސީއާއެކު އެއްބަސްވުންތަކުގައި ސޮއި ކުރެވެއެވެ. އެރަށްރަށުގެ ރައްޔިތުންނަށް ލިބެނީ އުފާވެރިކަމެކެވެ. ދެން ކޮންމެވެސް ދުވަހަކުން މަސައްކަތް ފަށާނެއެވެ. ކޮންމެ ވެރިޔަކު އައިސްގެން ފެށްޓިޔަސް ފެށުނީމާ އެއީ މިސަރުކާރުން ރާވާފައިވާ ޕްރޮޖެކްޓަކަށް ނޫނީ ނުހެދޭނެއެވެ.

ސަރުކާރުން މިސޮއިކުރާ އެއްބަސްވުންތައް އޭގެ އަސްލު މަންޒަރުން ސިފަކުރާނަމަ ދެވެނީ ނަވާރަ ސަތޭކަ ނުވަދިހައާއި ދެހާހުގެ ކުރީކޮޅު ރައީސް މައުމޫންގެ ސަރުކާރާ ހަމައަށެވެ.

ރައީސް މައުމޫނުގެ ސަރުކާރުން ކުރާ ކަންކަމަށް ޖޯކް ޖަހަން އެދުވަސްވަރު ތަރައްގީގެ މަޝްރޫއެއް ހިންގަން ރާވައި އިއުލާންކޮށްފިނަމަ ކަޑަޖަހަނީކަމަށް ކިޔައި އުޅުނެވެ. ބޮޑަށް އެވާހަކަ ދައްކަނީ ރަށްރަށުގައި ފަޅުފުންކުރަން ޓީމުތައް ގޮސް ފުންކުރާ ސަރަހައްދުގައި ފޫޓްއަޅައި އެ އިންވަކިކުރަން ހަތަރު ކަނުގައި ޖަހާ ކަޑަތަކަށް ނިސްބަތްކޮށެވެ. އަދި އިމާރާތްކުރާ ތަންތަނުގެ ބިންގާ އެޅުމަށެވެ. ކަޑަޖަހާ ގޮތަށް ޚަބަރެއް ނުވެ ބައެއް ފަހަރު ވަރަށް ގިނަ ދުވަސްވެއެވެ. ބިންގާއަޅާފައިވެސް ސަރުކާރުގައި އޭރު ފައިސާ ނެތިގެން މަޑުޖެހިފައި ހުރެއެވެ. މިއަދު ކަންކަން ކުރާގޮތް ކުޑަކޮށް ޒަމާނީވީއެވެ. ބަޖެޓެއް ނެތަސް ޕްލޭނެއް ނެތަސް އަދި އަސްލު ޕްރޮޖެކްޓެއް ނެތަސް އެމްޓީސީސީގެ ވެރިން ގެންގޮސް މޭޒެއްގެ ކައިރީގައި ތިބެގެން ޓީވީ ކެމެރާތައް ކުރިމަތީގައި ފައިލަކަށް ލާފައިއ އޮންނަ ކަރުދާސް ގަނޑެއްގައި ސޮއިކޮށް ސަލާމްގަލާމްކޮށް ނިމުމުން ސަރުކާރުން އެރަށްރަށުގައި މަޝްރޫއު ހިންގަން ކަނޑައެޅުނީއެވެ. ރާއްޖޭގެ ހުރިހާ ރައްޔިތުންނަށް ފޮޓޯ ދެއްކުނީމާ ނިމުނީއެވެ.

އަންނަ ހޮނިހިރު ދުވަހު މިއޮތީ ރިޔާސީ އިންތިޚާބެވެ. އެންމެ ގިނައިން ކަޑަޖެހި ކެންޑިޑޭޓަކަށް ރައްޔިތުން ވޯޓްދެއްވަންޏާ އެންމެ ކުރީގައި ހުންނެވީ ކޮން ކެންޑިޑޭޓެއްތޯއެވެ. އައްޑޫސިޓީއާއި ފުވައްމުލަކާއި ހުވަދުއަތޮޅާއި ހއ ދިއްދުއާއި ހދ ކުޅުދުއްފުށިފަދަ ބޮޑެތި އާބާދީތައް ހިމެނޭތަންތަނުގައި ހިންގަވަން މިދައުރުގައި ވައުދުވެވަޑައިގެންނެވި ކަންކަން ފިނަހަކަ ދުވެލީގައި ދާވާހަކައަކީ އެހެންވާހަކައެކެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ފައިސަލަށް ތާއީދުކުރުމާއި ގުޅޭ ސުވާލަށް ފުރިހަމަ ޖަވާބެއްދޭން އިބޫ ފަސްޖެހިއްޖެ؛ ކީއްވެ؟
22 Nov 2026 ހަބަރު

ފައިސަލަށް ތާއީދުކުރުމާއި ގުޅޭ ސުވާލަށް ފުރިހަމަ ޖަވާބެއްދޭން އިބޫ ފަސްޖެހިއްޖެ؛ ކީއްވެ؟

"ފައިސަލް އެ އޮތީ ކުރިމަތިލައްވަން އިއުލާނު ކުރައްވާފައި. އަޅުގަނޑެއް ކުރިމަތިލާކަށް އިއުލާނެއް ނުކުރަން،" ރައީސް ސޯލިހް ފުރަތަމަ ވިދާޅުވި އެވެ.

ރޮހިންޖާ ޤަތުލުޢާންމުގެ ޒިންމާ މިޔަންމާ އުފުލަން ޖެހޭނެ ކަމަށް އައިސީޖޭއިން ކަނޑައަޅައިފި
22 Nov 2026 ހަބަރު

ރޮހިންޖާ ޤަތުލުޢާންމުގެ ޒިންމާ މިޔަންމާ އުފުލަން ޖެހޭނެ ކަމަށް އައިސީޖޭއިން ކަނޑައަޅައިފި

ޖެނޮސައިޑް ކޮންވެންޝަންގެ ބައިވެރިއެއްގެ ޙައިޞިއްޔަތުން މި މައްސަލައަށް ތަދައްޚުލުވާނެ ކަން އެންމެ ފުރަތަމަ އިޢުލާންކުރީ ދިވެހިރާއްޖެއިންނެވެ

ބޮޑު ބަދަލާއި ދެކޮޅު "ޓީމް އެމްޑީޕީ" ކެންޑިޑޭޓުންނާއެކު ރައީސް ސޯލިހާއި ފައިސަލް އަދި އާޒިމް
22 Nov 2026 ހަބަރު

ބޮޑު ބަދަލާއި ދެކޮޅު "ޓީމް އެމްޑީޕީ" ކެންޑިޑޭޓުންނާއެކު ރައީސް ސޯލިހާއި ފައިސަލް އަދި އާޒިމް

މި އިންތިހާބަކީ އެމްޑީޕީގެ ކޮންޓްރޯލް ހޯދުމާއި ރިޔާސީ ޓިކެޓް ކަށަވަރު ކުރުމަށް ދެ ފެކްޝަނަށްވެސް ވަރަށް މުހިންމު އިންތިހާބެކެވެ.

ފެރިދޫގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ދެ މީހަކު ހައްޔަރުކޮށްފި
22 Nov 2026 ހަބަރު

ފެރިދޫގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ދެ މީހަކު ހައްޔަރުކޮށްފި

މި މައްސަލައާ ގުޅިގެން ހައްޔަރުކުރި ދެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ޢަލީ ޢާމިރު 30 ދުވަހަށް އަދި އާދަމް ނިމާލް 15 ދުވަހަށް ބަންދުކުރުމަށް އަމުރުކޮށްފައިވެއެވެ.

ޑްރަގް ކެފޭއެއް ހިންގާތީ ފުވައްމުލަކު މާދޫގެ ބައެއް ބަންދުކޮށްފި
22 Nov 2026 ހަބަރު

ޑްރަގް ކެފޭއެއް ހިންގާތީ ފުވައްމުލަކު މާދޫގެ ބައެއް ބަންދުކޮށްފި

ފުލުހުން ބުނީ އެ މައްސަލައާ ގުޅިގެން 90 ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައި ކަމަށެވެ.

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.