ޙައްޖުވެރިންގެ ފުރަތަމަ ގްރޫޕް ރާއްޖެ އައިސްފި!
1444 ވަނަ އަހަރު ޙައްޖުގެ މަތިވެރި އަޅުކަން ނިންމުމަށްފަހު، ދިވެހި ޙައްޖުވެރިން ރާއްޖެ އަންނަން ފަށައިފިއެވެ.
މިގޮތުން އެންމެ ފުރަތަމަ ރާއްޖެ އައިސްފައިވަނީ އަލް މަނާސިކް ޕްރައިވެޓް ލިމިޓެޑްގެ ހަވާލުގައި ޙައްޖަށްދިޔަ ޙައްޖުވެރިންނެވެ. އެގްރޫޕް ރާއްޖެ އައީ މިއަދު ހެނދުނެވެ.
އިސްލާމިކް މިނިސްޓްރީން ބުނީ، ހައްޖުގެ މަތިވެރި އަޅުކަން ނިންމުމަށްފަހު ރާއްޖެ އައުމައްޓަކައި 2 ވަނަ ގްރޫޕް ވެސް ފުރަން އެއާރޕޯޓަށް ގޮސްފައިވާކަމަށެއެވެ. އަދި ރާއްޖެ އައުމަށް ހަމަޖެހިފައިވާ ދެވަނަ ގްރޫޕްއަކީ ހައްޖު ކޯޕަރޭޝަން ލިމިޓެޑްގެ ހަވާލުގައި ހައްޖަށް ދިޔަ ހައްޖުވެރިން ކަމަށްވެސް ބުނެފައިވެއެވެ.
މިއަހަރު ރާއްޖެއިންް 1140 ޙައްޖާޖީއަކު ވަނީ ޙައްޖުވުމަށް ސަޢުދީއަށް ގޮސްފައެވެ. އެއީ އަމިއްލަ 3 ޖަމާޢަތަކާއި ޙައްޖުކޯޕަރޭޝަންގެ ހަވާލުގައި ދިޔަ މީހުންނެވެ.
މި އަހަރުގެ ހައްޖުގެ އަޅުކަމަށް ދިޔަ ޙައްޖުވެރިންގެ ތެރެއިން ދިވެހި ހަތަރު ހާޖީއަކު ވަނީ ނިޔާވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
