17 ވަނަ ޤަރުނުގައި ލިޔެފައި އޮތް މުސްޙަފެއް ތުރްކިޔޭ އިން ހޯދައިފި
17 ވަނަ ޤަރުނުގައި ލިޔެފައި އޮތް ޤުރުއާން މުސްޙަފެއް ތުރްކިޔޭ އިން ހޯދައިފިއެވެ.
މި ޤުރުއާން މުސްޙަފް ހޯދައިފައިވަނީ ތުރްކިޔޭގެ އިސްތަންބޫލްގެ ޕޮލިހުން ހިންގި އެންޓި ސްމަގްލިންގ އޮޕަރޭޝަނެއްގައެވެ. މި އޮޕަރޭޝަންގައި ޤުރުއާން މުސްޙަފްގެ އިތުރުން ތުރުކިޔޭގެ އެމްޕަރާގެ ޒަމާނުގެ ކަނޑިތައްވެސް ހޯދައިފައިވެއެވެ.
އިސްތަންބޫލް ޕޮލިހުންނާއި އެންޓި ސްމަގްލިންގް ބްރާންޗުން މި އޮޕަރޭޝަނަށް ތައްޔާރުވާން ފެށީ މި މައްސަލައިގައި ހައްޔަރު ކުރެވުނު މީހުން ތުރްކިޔޭގެ އާސާރި އަގުބޮޑު ތަކެތި ޤައުމުން ބޭރަށް ޤަވާއިދާއި ޚިލާފަށް ގެންދަން އުޅޭ ކަމަށް ޝައްކު ކުރެވިގެނެވެ.
އިސްތަންބޫލްގެ ފާތިޙް ޑިސްޓްރިކާއި އުމަރްނިޔޭ ޑިސްޓްރިކްގެ ގެތައް ބަލައި ފާސްކުރި ކުރުމުން 17 ވަނަ ޤަރުނުގެ މުސްހަފަކާއި ތުރްކިޔޭގެ އެމްޕަރާގެ ދުވަސްވަރުގެ އެކި ސައިޒުތަކުގެ 10 ކަނޑި އާއި އާސާރީ ދޮރަކާއި އެދުވަސްވަރުގެ ލާރި ތަކަކާއި ކަރުގައި އަޅާ އަގުބޮޑު ހާރު ފަދަ ތަކެތި ހޯދައިފައިވެއެވެ.
މީގެ އިތުރުން 17 ވަނަ ޤަރުނާއި 18 ވަނަ ޤަރުނުގައި އުފައްދާފައިވާ ރައިފަލް ވެސް ހޯދައިފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
