ފުވައްމުލަކުގައި ދަނޑުވެރިކަމުގެ ގައުމީ ލެބޯޓްރީއެއް ގާއިމު ކުރަން އަނެއްކާވެސް އިއުލާނުކޮށްފި

ޏ. ފުވައްމުލަކުގައި ދަނޑުވެރިކަމުގެ ގައުމީ ލެބޯޓްރީއެއް ގާއިމު ކުރަން އަނެއްކާވެސް އިއުލާނުކޮށްފިއެވެ.

ފުވައްމުލަކު ސިޓީ ކައުންސިލްގެ އިދާރާއިން ކުރި އިއުލާނެއްގައި ބުނީ، އެރަށުގައި ދަނޑުވެރިކަމުގެ ގައުމީ ލެބޯޓްރީ ފެސިލިޓީ އެއް ގައިމްކުރުމާއި ގުޅިގެން ކުރެވުނު އިޢުލާނަށް އެއްވެސް ފަރާތަކުން ބީލަން ހުށަހަޅާފައި ނުވާތީ، މި މަސައްކަތަށް ބީލަން ހުށަހެޅުމުގެ ފުރުޞަތު ހުޅުވާލާ ކަމަށެވެ.

ބީލަމުގައި ބައިވެރިވުމަށް އެދޭ ފަރާތްތަކުން، މި މަހުގެ 16 ވަނަ ދުވަހުގެ 10:00 ގެ ކުރިން ފުވައްމުލަކު ކައުންސިލް އިދާރާގެ މެއިލް އެޑްރެހަށް، (([email protected] މެއިލް ކުރުމަށް އެ އިދާރާއިން ވަނީ އެދިފައެވެ.

މެއިލްގައި އިޢުލާން ނަންބަރާއި، ބިޑްގައި ބައިވެރިވާން ބޭނުންވާ ފަރާތުގެ ތަފްސީލާއިއެކު (ކުންފުނީގެ ނަމާއި އެޑްރެސް/ ފޯން ނަންބަރު/ އީމެއިލް އެޑްރެސް/ފުރިހަމަ ނަން) ހިމެނުމަށް އެ ކައުންސިލުން ހަނދާންކޮށްދިނެވެ.

ބީލަމައި ގުޅިގެން މައުލޫމާތު ދިނުމަށް ބާއްވާ ބައްދަލުވުން އޮންނާނީ މި މަހުގެ 19 ވާ އާދީއްތަ ދުވަހުގެ 11:00 ގައި ފުވައްމުލައް ސިޓީ ކައުންސިލްގެ އަތޮޅުގެ މީޓިންގ ރޫމްގައެވެ.

އޮންލައިންކޮށް ބައިވެރިވާ ފަރާތްތަކުން [email protected] އަށް އީމެއިލް ކުރުމަށް އެ ކައުންސިލުން ވަނީ އެދިފައެވެ.

މި ބީލަމާއި ގުޅޭގޮތުން އެއްވެސް ސުވާލެއްވާނަމަ މި މަހުގެ 16 ވާ ބުރާސްފަތި ދުވަހުގެ 12:00 ގެ ކުރިން މެއިލް ކުރުމަށް އެ ކައުންސިލުން އެދެއެވެ.

ބީލަން ހުށަހެޅުމާއި ބީލަން ހުޅުވުން އޮންނާނީ 22 މާރިޗް 2023 ވާ ބުދަ ދުވަހުގެ 11:00 ގައި ފުވައްމުލަކު ސިޓީ ކައުންސިލްގެ އިދާރާގެ އަތޮޅުގެ މީޓިންގ ރޫމް އަދި ލޯކަލް ގަވަރމަންޓް އޮތޯރިޓީ ގައެވެ.