ކުރީގެ ބަންޑާރަނައިބު ޑރ މުނައްވަރު/ ފޮޓޯ: ވޮއިސް
ކުރީގެ ބަންޑާރަނައިބު ޑރ މުނައްވަރު/ ފޮޓޯ: ވޮއިސް
ހަބަރު 08 May 2023 | 12:13

ދެވަނަ ދައުރެއްގެ ވާހަކަ ދައްކަވަނީ، ހަމަ ހީފުޅުވަނީ ތޯ މާ މޮޅަށް ހިންގެނީކަމަށް؟ :ޑރ މުނައްވަރު

ރައީސުލްޖުމްޙޫރިއްޔާ އިބްރާޙިމް މުޙައްމަދު ޞާލިހު ވެރިކަމުގެ ދެވަނަ ދައުރެއް ހޯއްދެވުމަށް މަސައްކަތްޕުޅު ކުރައްވަމުން ގެންދަވާތީ ކުރީގެ ބަންޑާރަނައިބު ޑރ މުހައްމަދު މުނައްވަރު ބޮޑެތި ފާޑުކިޔުންތަކެއް އަމާޒުކުރައްވައިފި އެވެ.

ޗެނަލް-13 އިން ގެނެސްދިން ނިއުސްޓޯކް ޕްރޮގްރާމުގައި ވާހަކަދައްކަވަމުން ޑރ މުނައްވަރު ވިދާޅުވީ މިއަދު ސަރުކާރު ހިންގަވަން ތިއްބެވީ ދައުލަތަށް ވާނުވާ ނޭނގޭ ފަރާތްތަކެއް ކަމަށެވެ.

އެގޮތުން މިއަދުގެ ރައީސުލްޖުމްހޫރިއްޔާއަށް ދިވެހިރާއްޖޭގައި މީހުން ދިރިއުޅޭ ރަށްތަކުގެ އަދަދު ވެސް ރަނގަޅަށް އެނގިވަޑައި ނުގަންނަވާ ކަމަށާއި، އެމަނިކުފާނުގެ އަތްޕުޅަށް އަރާވަޑައިގަންނަވާ ސިޓީފުޅުތަކާއި ބިލުތަކުގައި ސޮއިކުރައްވާއިރު އޭގައި އޮންނައެއްޗެއް ކުޑަމިނުން ވިދާޅުވެސް ނުވާ ކަމަށެވެ.

"މި ފާހަގަކުރަނީ އޭނައަށް ދިވެހި ޤައުމަކީ ކޮބައިކަން ވެސް ނޭނގޭ. މިހާރު ދިވެހި ގައުމުގެ ދައުލަތުގެ ސަރަހައްދަކީ ކޮބައިކަމެއް ނޭނގޭ. ދިވެހި ރައްޔިތުންނަކީ ކޮބައިކަމެއް ނޭނގޭ. ދިވެހިރާއްޖޭގެ ގައުމީ ސަލާމަތީ ބާރުތަކަކީ ކޮބައިކަމެއް ނޭނގޭ. މިއިން އެއްވެސް ކަމެއް ހިޔެއް ނުވޭ އެނގޭ ހެނެއް"

ކުރީގެ ބަންޑާރަނައިބު ޑރ މުނައްވަރު

ޑރ މުނައްވަރު ވިދާޅުވީ ރައީސުލްޖުމްހޫރިއްޔާއަށް ދައުލަތަށް ވާ ނުވާ އެނގިވަޑައިނުގަތުމަކީ ވަރަށް ހިތާމަ ކުރައްވާ ކަމެއް ކަމަށެވެ. އަދި އެއީ އިންތިހާއަށް ކަންބޮޑުވާ ކަމެއްކަން ފާހަގަކުރެއްވި އެވެ.

ޑރ މުނައްވަރު ވިދާޅުވީ ވެރިކަން ކުރަން ލިބިވަޑައިގެން ފުރުސަތުގައި ޤައުމުގެ ދުޝްމަނުން ކަންކުރާ އުސޫލުން ކަންކަން ކުރެއްވުމަށްފަހު އަނެއްކާވެސް ދެވަނަ ދައުރެއްގެ ވާހަކަ ދައްކަން ވެސް ލަދުވެތިވާން ޖެހިވަޑައިގަންނަވާނެ ކަމަށެވެ.

ރައްޔިތުންގެ މަސްލަހަތާއި ގުޅުންހުރި ކަންކަން ދޫކޮށްލެއްވުމަށްފަހު، އަނެއްކާ ވެސް ދެވަނަ ދައުރަކަށް ކުތިމަތިލައްވާ ވާހަކަ ދައްކަވާއިރު، ހަމަ ހަގީގަތުގައިވެސް ގައުމު މާ މޮޅަށް ހިންގޭކަމަށް ޤަބޫލުފުޅު ކުރައްވަނީ ތޯ ޑރ މުނައްވަރު ވަނީ ސުވާލު ކުރައްވާފަ އެވެ.

"ދެވަނަ ދައުރެކޭ ބުނީމަ އަދި މި ގަންނަނީ މާ ބޮޑު ލަދެއް. އެއަށްވުރެ ބޮޑު ބިރެއް. އެއީ ޤައުމު ދެން ދާނެ ދިމާއެއް ނޭނގޭ. ހެޔޮނުވާނެ ނޫން ތޯ މި ހިސާބުގައި ހާލަތު އޮއްވާ ދެވަނަ ދައުރެކޭ ބުނަންވެސް ލަދުގަންނަން ޖެހޭނެ. ހަމަ އަމިއްލަފުޅަށް ހީވަނީތަ މާ މޮޅަށް ހިންގެވެނީ އޭ؟ "

ކުރީގެ ބަންޑާރަނައިބު ޑރ މުނައްވަރު

އޭގެ އިތުރުން ޑރ މުނައްވަރުގެ ވާހަކައިގައި ވަނީ ރައީސް ޞާލިހަށް ދެވަނަ ދައުރެއް ލިބިލައްވައިފި ނަމަ އަނެއްކާވެސް ރާއްޖޭގެ އެކި ސަރަހައްދުތައް ވިއްކާލާނެކަމުގެ ކަންބޮޑުވުން ފާޅުކުރައްވާފަ އެވެ. އެމަނިކުފާނު އެފަދަ ކަމެއް ނުކުރައްވާނެކަމުގެ އެއްވެސް ޔަގީންކަމެއް ނެތްކަމަށް ޑރ މުނައްވަރު ވިދާޅުވި އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ފޯޅަވަހި މައްސަލާގައި ރާއްޖެއިން ޢަމަލުކުރި ގޮތް ތަޙުޤީޤުކުރަން ރައީސުލްޖުމްހޫރިއްޔާ ޚާއްޞަ ކޮމިޝަނެއް އުފައްދައިފި
01 Nov 2026 ހަބަރު

ފޯޅަވަހި މައްސަލާގައި ރާއްޖެއިން ޢަމަލުކުރި ގޮތް ތަޙުޤީޤުކުރަން ރައީސުލްޖުމްހޫރިއްޔާ ޚާއްޞަ ކޮމިޝަނެއް އުފައްދައިފި

ދިވެހިރާއްޖެއާ ފޯޅަވައްސާ ދެމެދު ކަނޑުގެ ސަރަޙައްދު އަދި ކޮންޓިނެންޓަލް ޝެލްފްގެ އިންތައް ކަނޑައެޅުމަށް މޮރިޝަސްއިން އިންޓަރނޭޝަނަލް ޓްރައިބިއުނަލް ފޮރ ދަ ލޯ އޮފް ދަ ސީ (އިޓްލޮސް) އަށް ހުށަހެޅި މައްސަލައިގައި ރާއްޖެއިން ޢަމަލުކުރި ގޮތް ތަޙުޤީޤުކުރުމަށްޓަކައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޚާއްޞަ ކޮމިޝަނެއް މިއަދު އުފައްދަވައިފިއެވެ.