ހިޔާ ފްލެޓުތަކާއި ދިމާ ކަނޑުމަތިން މަރުވެފައި އޮއްވާ ފެނުނީ ޗައިނާ މީހެއްގެ ހަށިގަނޑު: ފުލުހުން
ހުޅުމާލޭ ދެވަނަ ފިޔަވަހީގައި ހަދާފައިވާ ހިޔާ ޓަވަރުތަކާއި ދިމާ ކަނޑުމަތިން މަރުވެފައި އޮއްވާ ފެނުނީ ޗައިނާ މީހެއްގެ ހަށިގަނޑުކަމަށް ފުލުހުންގެ އިދާރާއިން ހާމަކޮށްފި އެވެ.
ކަނޑުމަތީގައި މަރުވެފައި އޮތް މީހެއްގެ ހަށިގަނޑު ފެނިފައިވަނީ މި ހަފްތާގެ އަންގާރަ ދުވަހުގައެވެ.
އެ މައްސަލަ ތަހުގީގުކުރުމަށްފަހު ފުހުލުން ވަނީ އެ މީހާ ދެނެގަނެވިފައިވާކަން ހާމަކޮށްފަ އެވެ.
އެމީހާ އަކީ ވެލާނާ އިންޓަނޭޝަނަލް އެއާޕޯޓުގެ އައު ޓަރމިނަލްގެ މަސައްކަތް ކުރަމުން އަންނަ ސައުދީގެ ބިންލާދިން ގްރޫޕުގައި މަސައްކަތްކުރާ މީހެއްކަމަށާއި، އެމީހާގެ އުމުރަކީ 34 އަހަރުކަމަށް ފުލުހުން ވަނީ ބުނެފަ އެވެ.
އެ ހަށިގަނޑު މީހާރު އޮތީ ގަލޮޅު މޯޗަރީގައެވެ.
އެ މައްސަލައަކީ ތަހުގީގު ކުރަމުންދާ މައްސަލައަކަށް ވާތީ، އެމީހާގެ ހަށިގަނޑަށް ގެއްލުމެއް ލިބިފައިވާކަމެއް ފުލުހުން ހާމަކޮށްފައެއް ނުވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
