މިނީ ބަހުގެ ޚިދުމަތް ރައްޔިތުން ބަލައިގެންފި: މިއުވާން
މި ސަރުކާރުން ފެށި މިނީ ބަހުގެ ޚިދުމަތް ރައްޔިތުން ބަލައިގެންފިކަމަށް ރައީސް އޮފީހުގެ ތަރުޖަމާނު މިއުވާން މުހައްމަދު ވިދާޅުވެއްޖެއެވެ.
އޭނާ އެފަދައިން ވިދާޅުވެފައިވަނީ ރައީސް އޮފީހުގެ ފަރާތުން މިއަދު ބޭއްވި ޕްރެސްކޮންފަރެންސްގައި ވާހަކަދައްކަވަމުންނެވެ.
އޭނާ ވިދާޅުވީ ތަފާސް ހިސާބުތަކަށް ބަލާއިރު، އިއްޔެ އެކަނި 8000އަށް ވުރެ ގިނަ މީހުން މިނީ ބަހުގެ ޚިދުމަތް ބޭނުންކޮށްފައިވާކަމަށެވެ.
އެހެންކަމުން މިނީ ބަހުގެ ޚިދުމަތް ރައްޔިތުން ބަލައިގެންފައިވާ މިންވަރު ހާމަވާކަމަށް އޭނާ ވިދާޅުވިއެވެ.
"އިއްޔެއަށް އެކަނި ބަލާއިރުވެސް 8000 އަށްވުރެ ގިނަ މީހުން ވަނީ މިނީ ބަހުގެ ޚިދުމަތް ހޯދާފަ. އެހެން ވީމާ މި ޚިދުމަތް ވަނީ ރައްޔިތުން ބަލައިގެންފަ"
ފުރަމާލޭގައި މިނީ ބަހުގެ ޚިދުމަތް ފަށާފައިވާއިރު، ފުރަތަަމަ ދެ ހަފްތާގައި މި ޚިދުމަތް ދިނުމަށް ނިންމާފައިވަނީ ހިލޭ ދެވޭ ޚިދުމަތްތަކުގެ ގޮތުގައެވެ. އަދި މި މުއްދަތުގެ ތެރޭގައި ވީހާވެސް ގިނަ ބަޔަކު ޚިދުމަތް ހޯދާ، ބިނީ ބަހަށް އަހުލުވެރިވުމަށް ސަރުކާރުން ވަނީ އިލްތިމާސްކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
